│最近聽你講　講你的理想　理想一定會成功

最近聽你講 講你的理想 理想一定會成功

tsuè-kīn thiann lí kóng, kóng lí ê lí-sióng, lí-sióng it-tīng ê sîng-kong

│惦惦聽你講　痛在阮心中　漸漸失去了笑容

恬恬聽你講 疼在阮心中 漸漸失去了笑容

tiām-tiām thiann lí kóng, thiànn tsāi gún sim-tiong, tsiām-tsiām sit-khì liáu tshiò-iông

-

.

.

│對你的眼中　看出不平常　有話你就坦白講

對你的眼中 看出不平常 有話你就坦白講

tuì lí ê gán-tiong, khuànn-tshut put-pîng-siông, ū uē lí tiō thán-pi̍k kóng

│哪需要參詳　你就甲阮講　不通害咱攏受傷

若需要參詳 你就共阮講 毋通害咱攏受傷

nā su-iàu tsham-siông, lí tiō kā gún kóng, m̄-thang hāi lán lóng siū-siong

│哪是愛情袂繼續　阮也袂恨你是無情郎

若是愛情袂繼續 阮也袂恨你是無情郎

nā-sī ài-tsîng buē kè-sio̍k, gún iā buē hūn lí sī bô-tsîng-lông

-

.

.

│請你你就要幸福　你就要快樂　每工攏要有笑容

請你 你著愛幸福 你著愛快樂 每工攏愛有笑容

tshiánn lí, í tio̍h-ài hīng-hok, lí tio̍h-ài khuài-lo̍k, muí-kang lóng ài ū tshiò-iông

│完成你的夢　追求著理想　阮的犧牲才有用

完成你的夢 追求著理想 阮的犧牲才有用

uân-sîng lí ê bāng, tui-kiû tio̍h lí-sióng, gún ê hi-sing tsiah ū-iōng

│請你你就要幸福　你就要快樂　不免煩惱阮行蹤

請你, 你著愛幸福 你著愛快樂 毋免煩惱阮行蹤

tshiánn lí, í tio̍h-ài hīng-hok, lí tio̍h-ài khuài-lo̍k, m̄-bián huân-ló gún hîng-tsong

│雖然心受傷　半暝會寂寞　只要看著你幸福　阮就滿足

雖然心受傷 半暝會寂寞 只要看著你幸福 阮就滿足

sui-jiân sim siū-siong, puànn-mî ē tsi̍k-bo̍k, tsí-iàu khuànn-tio̍h lí hīng-hok, gún tiō buán-tsiok