│OS：假使你問我　人生為著啥

假使你問我 人生為著啥

ká-sú lí mn̄g guá, jîn-sing uī-tio̍h siánn

│我會講為三頓　為生活　甲為某子

我會講為三頓 為生活佮為某囝

guá ē kóng uī sann-tǹg, uī sing-ua̍h kah uī bóo-kiánn

│但是看別人的臉色　配合別人的心晟

但是看別人的面色 配合別人的心情

tān-sī khuànn pa̍t-lâng ê bīn-sik, phuè-ha̍p pa̍t-lâng ê sim-tsiânn

│這是唯一的條件　有人認為這是為生活

這是唯一的條件　有人認為這是為生活

tse sī uî-it ê tiâu-kiānn ū-lâng jīn-uî tse sī uī sing-ua̍h

│嘛有人認為這是一種拖磨

嘛有人認為這是一種拖磨

mā ū-lâng jīn-uî tse sī tsi̍t tsióng thua-buâ

│因為已經很久不知影笑容生做按怎

因為已經真久毋知影笑容生做按怎

in-uī í-king tsin kú m̄ tsai-iánn tshiò-iông senn-tsuè án-tsuánn

│開始懷疑故事中的主角　到底甘是我

開始懷疑故事中的主角 到底敢是我

khai-sí huâi-gî kòo-sū tiong ê tsú-kak, tàu-té kám-sī guá

│因為你嘛知影　咱攏是為別人在活

因為你嘛知影 咱攏是為別人咧活

in-uī lí mā tsai-iánn, lán lóng-sī uī pa̍t-lâng teh ua̍h

-

:

:

│愛唱一首歌　一首有頭無尾的歌

愛像一首歌 一首有頭無尾的歌

ài tshiūnn tsi̍t siú kua, tsi̍t siú ū-thâu bô-bué ê kua

│有時快樂　有時悲傷　有時只剩孤單

有時快樂 有時悲傷 有時只賰孤單

ū sî khuài-lo̍k, ū sî pi-siong, ū sî tsí tshun koo-tuann

│愛像一首歌　紀錄咱的心晟甲生活

愛像一首歌 紀錄咱的心情佮生活

ài tshiūnn tsi̍t siú kua, kì-lo̍k lán ê sim-tsiânn kah sing-ua̍h

│有時清醒　有時懷疑　人生到底　為著啥

有時清醒 有時懷疑 人生到底 為著啥

ū sî tshing-tshínn, ū sî huâi-gî, jîn-sing tàu-té, uī-tio̍h siánn

-

:

:

│回過頭去看　熊熊才知影

越過頭去看 雄雄才知影

ua̍t kuè thâu khì khuànn, hiông-hiông tsiah tsai-iánn

│咱的舞台　愛用青春來換

咱的舞臺 愛用青春來換

lán ê bú-tâi, ài iōng tshing-tshun lâi uānn

│越過頭去看　人生過未一半

越過頭去看 人生過猶未一半

ua̍t kuè thâu khì khuànn, jîn-sing kuè buē tsi̍t-puànn

│煞不知如何來唱這條歌

煞毋知如何來唱這條歌

suah m̄-tsai jû-hô, lâi tshiùnn tsit tiâu kua

│

:

:

│這首歌唱啊唱未煞　往事一幕幕親像電影

這首歌唱也唱袂煞 往事一幕幕親像電影

tsit siú kua tshiùnn ā tshiùnn bē suah, óng-sū tsi̍t-bōo-bōo tshin-tshiūnn tiān-iánn

│有時陣為著渡生活　就愛配合別人心晟

有時陣為著度生活 著愛配合別人心情

ū-sî-tsūn uī-tio̍h tōo sing-ua̍h, tio̍h-ài phuè-ha̍p pa̍t-lâng sim-tsiânn

│這首歌唱甲心攏破　一字一句攏是拖磨

這首歌唱甲心攏破 一字一句攏是拖磨

tsit siú kua tshiùnn kah sim lóng phuà, tsi̍t-jī tsi̍t-kù lóng-sī thua-buâ

│因為沒人知　我的心　有多痛

因為無人知 我的心 有偌疼

in-uī bô-lâng tsai, guá ê sim, ū guā thiànn

-

:

:

│因為你嘛知　咱永遠　為別人在活

因為你嘛知 咱永遠 為別人咧活

in-uī lí mā tsai, lán íng-uán, uī pa̍t-lâng teh ua̍h