│緣投沒什麼稀奇

緣投無啥物稀奇

Iân-tâu bô siánn-mih hi-kî

│有錢的踢一邊

有錢的踢一邊

Ū-tsînn ê that tsi̍t pinn

│看來看去也是有氣魄的人卡呷意

看來看去猶是有氣魄的人較佮意

Khuànn lâi khuànn khì iá-sī ū khì-phik ê lâng khah kah-ì

│風呀

風啊

Hong--iah

│請你將我的愛情吹向天邊

請你將我的愛情吹向天邊

Tshiánn lí tsiong guá ê ài-tsîng tshue hiòng thinn-pinn

│化成雨水灑醒不解情意的伊

化成雨水沃醒不解情意的伊

Huà sîng hōo-suí ak-tshínn put-kái tsîng-ì ê i

│

:

:

│一陣風一句話

一陣風一句話

Tsi̍t tsūn hong tsi̍t kù uē

│一滴雨水一份癡

一滴雨水一份痴

Tsi̍t tih hōo-tsuí tsi̍t hūn tshi

│用真情編織的夢比花蜜卡甜

用真情編織的夢比花蜜較甜

Iōng tsin-tsîng pian-tsit ê bāng pí hue-bi̍t khah tinn

│短短的感情路

短短的感情路

Té-té ê kám-tsîng-lōo

│確是千萬年

卻是千萬年

Khiok-sī tshian-bān-nî

│

:

:

│癡情沒什麼意義

痴情沒啥物意義

Tshi-tsîng bô siánn-mih ì-gī

│有勢的請一邊

有勢的請一邊

Ū sè ê tshiánn tsi̍t-pinn

│想來想去也是有理想的人卡呷意

想來想去也是有理想的人較佮意

Siūnn lâi siūnn khì iā-sī ū lí-sióng ê lâng khah kah-ì

│月呀

月啊

Gue̍h--iah

│請你照明阮的感情路

請你照明阮的感情路

Tshiánn lí tsiò-bîng gún ê kám-tsîng lōo

│不通呼阮不知何去何從

毋通予阮毋知何去何從

m̄-thang hōo gún m̄-tsai hô-khì-hô-tsiông

│

:

:

│一場夢一段情

一場夢一段情

Tsi̍t tiûnn bāng tsi̍t tuānn tsîng

│一滴眼淚一陣悲

一滴目屎一陣悲

Tsi̍t tih ba̍k-sái tsi̍t tsūn pi

│用思念編織的夢永遠在纏綿

用思念編織的夢永遠咧纏綿

Iōng su-liām pian-tsit ê bāng íng-uán teh tînn-mî

│酸甘甜的情路

酸甘甜的情路

Sng-kam-tinn ê tsîng-lōo

│夢圓等何時

夢圓等何時

Bāng-înn tán hô-sî