今夜冷風酸雨來陪伴　燈火照影人孤單

今夜冷風酸雨來陪伴 燈火照影人孤單

kim-iā líng-hong sng-hōo lâi puê-phuānn, ting-hué tsiò iánn lâng koo-tuann

寂寞的滋味透心腸　不知東時天才會光

寂寞的滋味透心腸 毋知當時天才會光

siok-bo̍k ê tsu-bī thàu sim-tn̂g, m̄-tsai tang-sî thinn tsiah ē kng

.

.

你我那會這無緣　離開了後才來思念

你我哪會遮無緣 離開了後才來思念

lí guá ná ē tsiah bô-iân, lī-khui liáu-āu tsiah lâi su-liām

親像一蕊無言花　惦惦來開　惦惦水

親像一蕊無言花 恬恬來開恬恬媠

tshin-tshiūnn tsi̍t luí bô-giân hue, tiām-tiām lâi khui tiām-tiām suí

.

.

一暝花開的香味　引阮滿腹的稀微

一暝花開的芳味 引阮滿腹的稀微

tsi̍t mî hue khui ê phang-bī, ín gún muá-pak ê hi-bî

你敢有聽見花謝若落土　破碎是誰人的心肝

你敢有聽見 花謝若落塗 破碎是啥人的心肝

lí kám ū thiann-kìnn, hue siā nā lo̍h thôo, phuà-suì sī siánn-lâng ê sim-kuann

你敢有聽見花謝若落土　破碎是誰人的心肝

你敢有聽見 花謝若落塗 破碎是啥人的心肝

lí kám ū thiann-kìnn, hue siā nā lo̍h thôo, phuà-suì sī siánn-lâng ê sim-kuann