│最後一支煙 我就欲來離開

最後一支薰 我就欲來離開

tsuè-āu tsi̍t ki hun, guá tiō beh lâi lī-khui

│七逃無了時 幸福是啥滋味

𨑨迌無了時 幸福是啥滋味

tshit-thô bô-liáu-sî, hīng-hok sī siánn tsu-bī

-

:

│蛾仔總是會向光飛

蛾仔總是會向光飛

ia̍h-á tsóng-sī ē hiòng kng pue

│我煞怨嘆走偏的人生只有黑無白

我煞怨嘆走偏的人生只有烏無白

guá suah uàn-thàn tsáu-phian ê lîn-sing tsí-ū oo bô pe̍h

│飄撇親像一蕊悲情花

飄撇親像一蕊悲情花

phiau-phiat tshin-tshiūnn tsi̍t luí pi-tsîng hue

│亡命天涯 我愛你 但我並沒啥貨

亡命天涯 我愛你 但我並無啥貨

bông-miā thian-gâi, guá ài lí, tān guá pīng bô siánn-huè

│我甘願一世孤單 浮沉的日子 你的溫存活踮我的心肝

我甘願一世孤單 浮沉的日子 你的溫存活踮我的心肝

guá kam-guān tsi̍t sè koo-tuann, phû-tîm ê li̍t-tsí, lí ê un-tshûn ua̍h tiàm guá ê sim-kuann

│我毋是無愛你 𨑨迌引我心傷悲 現實拆散我共你

我毋是無愛你 𨑨迌引我心傷悲 現實拆散我佮你

guá m̄ sī bô ài lí, tshit-thô ín guá sim siong-pi, hiān-si̍t thiah-suànn guá kah lí

│早知浪費你的青春 當初咱兩个就莫做伙

早知浪費你的青春 當初咱兩个就莫做伙

tsá-tsai lōng-huì lí ê tshing-tshun, tong-tshoo lán nn̄g-ê tiō mài tsò-hué

│如今發生這種局勢 是誰問題攏莫回失禮

如今發生這種局勢 是誰問題攏莫會失禮

lû-kim huat-sing tsit-tsióng kio̍k-sè, sī siáng būn-tê lóng mài huē-sit-lé

│攏莫講歹勢 你知影這條路嘛毋是我真正想要選的

攏莫講歹勢 你知影這條路嘛毋是我真正想欲選的

lóng mài kóng pháinn-sè, lí tsai-iánn tsit tiâu lōo mā m̄-sī guá tsin-tsiànn siūnn-beh suán--ê

│桌頂這杯啤酒 咱就鬥陣啉乎乾

桌頂這杯ビール 咱就鬥陣啉予焦

toh-tíng tsit pue bì-lù, lán tio̍h tàu-tīn lim hōo ta

│喝完咱就做伙放下一切離開這

啉完咱就做伙放下一切離開遮

lim uân lán tiō tsò-hué hòng-hā it-tshè lī-khui tsia

│我甘願一个人孤單 愛我你會死

我甘願一个人孤單 愛我你會死

guá kam-guān tsi̍t-ê-láng koo-tuann, ài guá lí ē sí

-

:

│愛我你會死 （江湖坎坎坷坷的兄弟代）

愛我你會死（江湖坎坎坷坷的兄弟代）

ài guá lí ē sí (kang-ôo khám-khám-khia̍t-khia̍t ê hiann-tī-tāi)

│青春無值錢 （兩隻鴛鴦飛無路啥人知悲哀）

青春無值錢（兩隻鴛鴦飛無路啥人知悲哀）

tshing-tshun bô ta̍t-tsînn (nn̄g tsiah uan-iunn pue bô lōo siánn-lâng tsai pi-ai)

│看抉到天光 （心酸） 咱攏是黑暗眠 （我怨恨我恨天）

看袂著天光（心酸）咱攏是烏暗暝（我怨恨我恨天）

khuànn-buē-tio̍h thinn-kng (sim-sng) lán lóng sī oo-àm-mî (guá uàn-hūn guá hūn thinn)

│甲意你的香味 麥問我為啥咪 （我飄撇寫情字）

佮意你的芳味 莫問我為啥物（我飄撇寫情字）

kah-ì lí ê phang-bī, mài mn̄g guá uī-siánn-mih (guá phiau-phiat siá tsîng-lī)

│愛我你會死 （江湖坎坎坷坷的兄弟代）

愛我你會死（江湖坎坎坷坷的兄弟代）

ài guá lí ē sí (kang-ôo khám-khám-khia̍t-khia̍t ê hiann-tī-tāi)

│青春無值錢 （兩隻鴛鴦飛無路啥人知悲哀）

青春無值錢（兩隻鴛鴦飛無路啥人知悲哀）

tshing-tshun bô ta̍t-tsînn (nn̄g tsiah uan-iunn pue bô lōo siánn-lâng tsai pi-ai)

│風中的蠟燭 （蠟燭） 捧佇啥的手 （我想呀想）

風中的蠟燭（蠟燭）捀佇誰的手（我想啊想）

hong-tiong ê la̍h-tsik (la̍h-tsik) phâng tī siáng ê tshiú (guá siūnn ah siūnn)

│習慣這個氣味 就要笑笑乎伊去

習慣這个氣味 就愛笑笑予伊去

si̍p-kuàn tsit ê khì-bī tiō ài tshiò-tshiò hōo--i--khì

│後世人再提起

後世人才提起

āu-sì-lâng tsiah thê-khí

-

:

│別怪我無情無義來離開

莫怪我無情無義來離開

mài kuài guá bô-tsîng-bô-gī lâi lī-khui

│你親像花蕊 我的性命早就衰去

你親像花蕊 我的性命早就蔫去

lí tshin-tshiūnn hue-luí, guá ê sènn-miā tsá tiō lian--khì

│亡命的滋味 配不上你的氣味 莫閣提起

亡命的滋味 配袂上你的氣味 莫閣提起

bông-miā ê tsu-bī phuè-bē-siōng lí ê khì-bī, mài koh thê-khí

│我嘛知 社會黑暗兄弟無情 路歹行

我嘛知 社會烏暗兄弟無情 路歹行

guá mā tsai siā-huē oo-àm hiann-tī bô-tsîng, lōo pháinn kiânn

│七逃人的運命 本來就是底賭命

𨑨迌人的運命 本來就是咧賭命

tshit-thô-lâng ê ūn-miā pún-lâi tiō sī teh tóo-miā

│我恨我甲己 愛你永遠抹快活

我恨我家己 愛你永遠袂快活

guá hūn guá ka-tī, ài lí íng-uán buē khuìnn-ua̍h

-

-

│愛我你會死 青春無值錢

愛我你會死 青春無值錢

ài guá lí ē sí, tshing-tshun bô ta̍t-tsînn

│看抉到天光 咱攏是黑暗眠

看袂著天光 咱攏是烏暗暝

khuànn-bē-tio̍h thinn-kng, lán lóng sī oo-àm-mî

│甲意你的香味 麥問我為啥咪

佮意你的芳味 莫問我為啥物

kah-ì lí ê phang-bī, mài mn̄g guá uī-siánn-mih

│愛我你會死 青春無值錢

愛我你會死 青春無值錢

ài guá lí ē sí, tshing-tshun bô ta̍t-tsînn

│風中的蠟燭 捧佇啥的手

風中的蠟燭 捀佇誰的手

hong tiong ê la̍h-tsik, phâng tī siáng ê tshiú

│習慣這個氣味 就要笑笑乎伊去

習慣這个氣味 就愛笑笑予伊去

si̍p-kuàn tsit ê khì-bī, tiō ài tshiò-tshiò hōo--i--khì

│後世人再提起

後世人才提起

āu-sì-lâng tsiah thê-khí