│拜六的晚時　孤單一人 悶得我強未喘氣

拜六的暗時 孤單一人 翕甲我強袂喘氣

pài-la̍k ê àm-sî, koo-tuann tsi̍t-lâng, hip kah guá kiông buē tshuán-khuì

│拜六的晚時　朋友找我 招我出來Disco Pub相見

拜六的暗時 朋友揣我 招我出來Disco Pub相見

pài-la̍k ê àm-sî, pîng-iú tshuē guá, tsio guá tshut-lâi Disco phà-buh sio-kìnn

│七彩的燈光　迷人的音樂聲　茫茫霧霧　閃閃爍爍

七彩的燈光 迷人的音樂聲 雺雺霧霧 閃閃爍爍

tshit-tshái ê ting-kng, bê-lâng ê im-ga̍k-siann, bông-bông-bū-bū, siám-siám-sih-sih

│人人都在舞池　我在看MTV　但是不知在扮啥米*

人人攏佇舞池 我咧看MTV 但是毋知咧搬啥物

lâng-lâng lóng tī bú-tî, guá leh khuànn MTV, tān-sī m̄-tsai leh puann siánn-mih

│拜六的晚時　欣羨別人　大家攏雙雙對對

拜六的暗時 欣羨別人 逐家攏雙雙對對

pài-la̍k ê àm-sî, him-siān pa̍t-lâng, ta̍k-ke lóng siang-siang-tuì-tuì

│拜六的晚時　查某囡仔真美　迷人的身材

拜六的暗時 查某囡仔真媠 迷人的身材

pài-la̍k ê àm-sî, tsa-bóo-gín-á tsin suí, bê-lâng ê sin-tsâi

│乎阮癡迷　sexy body

予阮痴迷 sexy body

hōo gún tshi-bê, sexy body

│Rock & Roll can touch my heart跳舞將煩惱放忘記

Rock 'n' Roll can touch my heart. 跳舞共煩惱放袂記

Rock 'n' Roll can touch my heart., thiàu-bú kā huân-ló pàng-buē-kì

│乒乒乓乓鼓聲和汗的煙臭味

繽繽迸迸 鼓聲佮汗的薰臭味

pin-pin-piàng-piàng, kóo-siann kah kuānn ê hun-tshàu bī

│雖然朋友很多很趣味　猶原感覺這呢唏微

雖然朋友真濟真趣味 猶原感覺遮爾稀微

sui-jiân pîng-iú tsin tsē tsin tshù-bī, iu-guân kám-kak tsiah-nī hi-bî

│心內想真了不起　整天醉生夢死

心內想真了不起 規工醉生夢死

sim-lāi siūnn tsin liáu-put-khí, kui-kang tsuì-sing bāng-sí

│I try to find someone can talk to me

I try to find someone can talk to me

I try to find someone can talk to me

│我只是好強不承認失意

我只是好強 毋承認是失意

guá tsí-sī hònn-kiông, m̄ sîng-jīn sī sit-ì

│想欲找一個知己　可當永遠惦在阮身邊

想欲揣一个知己 會當永遠踮在阮身邊

siūnn-beh tshuē tsi̍t-ê ti-kí, ē-tàng íng-uán tiàm-tsāi gún sin-pinn

│拜六的晚時又閣安呢過去　生活不過如此而已

拜六的暗時 又閣按呢過去 生活不過如此而已

pài-la̍k ê àm-sî, iū-koh án-ne kuè-khì, sing-ua̍h put-kò jû-tshú jî-í

│拜六的晚時就是安呢過去　茫茫霧霧

拜六的暗時 就是按呢過去 雺雺霧霧

pài-la̍k ê àm-sî, tiō-sī án-ne kuè-khì, bông-bông-bū-bū

│拜六的晚時

拜六的暗時

pài-la̍k ê àm-sî