│伊每天轉來轉去四界逡

伊每工踅來踅去四界趖

i muí-kang se̍h-lâi se̍h-khì sì-kè-sô

│好像吃飽閒閒攏無代誌倘好做

若像食飽閒閒 攏無代誌通好做

ná-tshiūnn tsia̍h-pá îng-îng, lóng bô tāi-tsì thang-hó tsò

│世大問伊將來到底要如何

序大問伊將來到底欲如何

sī-tuā mn̄g i tsiong-lâi tàu-té beh jû-hô

│伊說伴晡大家還是聽攏沒

伊講半晡 逐家猶是聽攏無

i kóng puànn-poo, ta̍k-ke iáu-sī thiann lóng bô

│春風微微吹來微微透心肝

春風微微 吹來微微透心肝

tshun-hong bî-bî, tshue lâi bî-bî thàu sim-kuann

│伊猶原一人散散　大聲唱歌彈吉他

伊猶原一人散散 大聲唱歌彈吉他

i iu-guân tsi̍t-lâng suànn-suànn, tuā-siann tshiùnn-kua tuânn gì-tah

│朋友為伊煩惱為伊在頭痛

朋友為伊煩惱 為伊咧頭疼

pîng-iú uī i huân-ló, uī i teh thâu thiànn

│伊講我老神在在　請你大家免驚惶

伊講我老神在在 請恁逐家免驚惶

i kóng-guá lāu-sîn-tsāi-tsāi, tshiánn lín ta̍k-ke bián kiann-hiânn

│伊是春風少年兄　沒人和伊來作伴

伊是春風少年兄 無人和伊來做伴

i sī tshun-hong siàu-liân-hiann, bô-lâng hām i lâi tsò phuānn

│心情輕鬆真快活　為著理想來打拼

心情輕鬆真快活 為著理想來拍拚

sim-tsîng khin-sang tsin khuìnn-ua̍h, uī-tio̍h lí-sióng lâi phah-piànn

│伊是春風少年兄　不是歌星不出名

伊是春風少年兄 毋是歌星無出名

i sī tshun-hong siàu-liân hiann, m̄-sī kua-tshenn bô tshut-miâ

│平常時就愛唱歌　歡喜到底　唱給你來聽

平常時就愛唱歌 歡喜到地 唱予恁來聽

pîng-siông-sî tō ài tshiùnn-kua, huann-hí kàu-tè, tshiùnn hōo lín lâi thiann

│有一日伊跟父母說伊想欲離開去打拼

有一日伊共爸母講 伊想欲離開去拍拚

ū-tsi̍t-ji̍t i kā pē-bú kóng, i siūnn-beh lī-khui khì phah-piànn

│他們一時不知欲按怎反應煞來未出聲

怹一時毋知欲按怎反應 煞來袂出聲

in tsi̍t-sî m̄-tsai beh án-tsuánn huán-ìng, suah lâi bē tshut-siann

│只有恬恬搖頭怨嘆飼子養得這呢大

只有恬恬搖頭怨嘆 飼囝飼甲遮爾大

tsí-ū tiām-tiām iô-thâu uàn-thàn, tshī tsú tshī-kah tsiah-nī tuā

│如今當作出門丟掉一個子

如今當做出門 拍毋見一个囝

jû-kim tòng-tsò tshut-mn̂g, phàng-kiàn tsi̍t-ê kiánn

│伊是春風少年兄　沒人和伊來作伴

伊是春風少年兄 無人和伊來做伴

i sī tshun-hong siàu-liân-hiann, bô-lâng hām i lâi tsò phuānn

│心情輕鬆真快活　為著理想來打拼

心情輕鬆真快活 為著理想來拍拚

sim-tsîng khin-sang tsin khuìnn-ua̍h, uī-tio̍h lí-sióng lâi phah-piànn

│伊是春風少年兄　不是歌星不出名

伊是春風少年兄 毋是歌星無出名

i sī tshun-hong siàu-liân hiann, m̄-sī kua-tshenn bô tshut-miâ

│平常時就愛唱歌　為著理想來打拼

平常時就愛唱歌 為著理想來拍拚

pîng-siông-sî tō ài tshiùnn-kua, uī-tio̍h lí-sióng lâi phah-piànn

│伊是春風少年兄　沒人和伊來作伴

伊是春風少年兄 無人和伊來做伴

i sī tshun-hong siàu-liân-hiann, bô-lâng hām i lâi tsò phuānn

│心情輕鬆真快活　為著理想來打拼

心情輕鬆真快活 為著理想來拍拚

sim-tsîng khin-sang tsin khuìnn-ua̍h, uī-tio̍h lí-sióng lâi phah-piànn