路 欲焉怎行 頭前 茫霧坱埃

路 欲按怎行 頭前 雺霧坱埃

lōo beh-án-tsuánn-kiânn thâu-tsîng bông-bū-ing-ia

一粒心肝猶算勇健 有時猶是掠袂準運命

一粒心肝猶算勇健 有時猶是掠袂準運命

tsi̍t-lia̍p sim-kuann iàu-sǹg ióng-kiānn ū-sî ia̍h-sī lia̍h-bē-tsún ūn-miā

-

：

將阮攬牢的海即闊 月娘也溫柔光映映

將阮攬牢的海遮闊 月娘也溫柔光映映

tsiong-gún lám-tiâu ê hái tsik-khuah　gue̍h-niû iā un-jiû kng-iànn-iànn

離開的人無離開 若一節一節的火車

離開的人無離開 若一節一節的火車

lī-khui--ê lâng bô lī-khui nā tsi̍t-tsat-tsi̍t-tsat ê hué-tshia

怹一路一路送咱到遮

in一路一路送咱到遮

in tsi̍t-lōo-tsi̍t-lōo sàng lán kàu tsia

-

：

有路 咱沿路唱歌 無路 咱蹽溪過嶺

有路 咱沿路唱歌 無路 咱蹽溪過嶺

ū-lōo lán iân-lōo tshiùnn-kua　bô-lōo lán liâu-khe-kuè-niá

時間伊從來毋捌回頭行 毋敢向前莫來講輸贏

時間伊從來毋捌回頭行 毋敢向前莫來講輸贏

sî-kan i tsiông-lâi m̄-bat huê-thâu-kiânn　m̄-kánn hiòng-tsîng mài-lâi kóng su-iânn

-

：

無光 愛心內有數 有光 伊必有緣故

無光 愛心內有數 有光 伊必有緣故

bô-kng ài sim-lāi-iú-sòo　ū-kng i pit-iú iân-kòo

未來即張無記號的地圖 親像咧叫我兮

未來這張無記號的地圖 親像咧叫我的

bī-lâi tsik tiunn bô-kì-hō ê tē-tôo　tshin-tshiūnn --leh kiò guá --ê

親像咧叫我兮 愛一步一步 一步一步

親像咧叫我的 愛一步一步 一步一步

tshin-tshiūnn--leh kiò guá--ê　ài tsi̍t-pōo tsi̍t-pōo　tsi̍t-pōo tsi̍t-pōo