今仔日逐家才佇講你　乖巧伶俐得人意

今仔日逐家才佇講你　乖巧伶俐得人意

kin-á-ji̍t ta̍k-ke tsiah tī kóng lí, kuai-khá líng-lī tit lâng ì

即逝歇熱你無放假　早頓著愛食　愛睏予飽

這逝歇熱你無放假　早頓著愛食　愛睏予飽

tsit tsuā hioh-jua̍h lí bô pàng-ká, tsá-tǹg tio̍h-ài tsia̍h ài khùn hōo pá

-

-

若欠啥　連鞭我隨買來寄　遐食穿住用無比咱遮

若欠啥　連鞭我隨買來寄　遐食穿住用無比咱遮

nā khiàm siánn, liâm-mi guá suî bé-lâi kià, hia tsia̍h-tshīng tuà īng bô-pí lán tsia

變天烏陰愛紮雨傘　暗頭仔反寒袖仔著幔

變天烏陰愛紮雨傘　暗頭仔反寒裘仔著幔

piàn-thinn oo-im ài tsah hōo-suànn, àm-thâu-á huán-kuânn hiû-á tio̍h mua

-

-

出門在外　難免孤單　毋好一時煞行精差

出門在外　難免孤單　毋好一時煞行精差

tshut-mn̂g tsāi guā, lân-bián koo-tuann, m̄-hó it-sî suah kiânn tsing-tsha

世間冷暖　咱囥佇心肝　若稀微著唱歌

世間冷暖　咱囥佇心肝　若稀微著唱歌

sè-kan líng-luán lán, khǹg tī sim-kuann, nā hi-bî tio̍h tshiùnn-kua

-

-

菅芒紅染到規山坪　相思花開了又謝

菅芒紅染到規山坪　相思花開了又謝

kuann-bâng âng ní kah kui-suann-phiânn, siunn-si-hue khui-liáu iū siā

年年看咱兜的門口埕　想著你學騎孔明車

年年看咱兜的門口埕　想著你學騎孔明車

nî-nî khuànn lán tau ê mn̂g-kháu-tiânn, siūnn-tio̍h lí o̍h khiâ khóng-bîng-tshia

-

-

有閒敲電話予恁媽媽　伊愛司奶　閣驚共你吵

有閒敲電話予恁媽媽　伊愛司奶　閣驚共你吵

-ū-îng khà-tiān-uē hōo lín ma-ma, i ài sai-nai, koh kiann kā lí tshá

若感覺生活過著悿悿仔

若感覺生活過著忝忝仔

nā kám-kak sing-ua̍h kuè-tio̍h thiám-thiám-á

爸爸　惜惜　貼貼

爸爸　惜惜　搭搭

pa-pa sioh-sioh tah-tah