蚵仔跟麵線 一個愛藏水 一個愛日頭曬乾

蚵仔佮麵線 一个愛藏水 一个愛日頭曝焦

ô-á kah mī-suànn tsi̍t ê ài tshàng-tsuí tsi̍t ê ài ji̍t-thâu pha̍k-ta

生活不相同 想不到結果變得這麼密

生活無相仝 想袂到結果會變甲遮爾峇

sing-ua̍h bô sio-kāng siūnn-bē-kàu kiat-kó ē piàn-kah tsiah-nī bā

親像你跟我 本來不認識 現在鬥陣底這

親像你佮我 本來無熟似 這馬鬥陣佇遮

tshin-tshiūnn lí kah guá pún-lâi bô si̍k-sāi tsit-má tàu-tīn tī tsia

你想要聽歌 我就彈吉他 唱歌給你聽

你想欲聽歌 我就彈gì-tà 唱歌予你聽

lí siūnn-beh thiann-kua guá tio̍h tuânn gì-tà tshiùnn-kua hōo lí thiann

-

-

我跟你就親像是蚵仔麵線

我佮你就親像是蚵仔麵線

guá kah lí tio̍h tshin-tshiūnn sī ô-á-mī-suànn

無味的人生若是有你就香

無味的人生若是有你就芳

bô-bī ê lîn-sing nā-sī ū lí tio̍h phang

我若覺得孤單 都有你陪我

我若感覺孤單 攏有你陪我

guá nā kám-kak koo-tuann lóng ū lí puê guá

原來歡喜是這麼簡單

原來歡喜是遮爾仔簡單

guân-lâi huann-hí sī tsiah-nī-á kán-tan

我跟你就親像是蚵仔麵線

我佮你就親像是蚵仔麵線

guá kah lí tio̍h tshin-tshiūnn sī ô-á-mī-suànn

無味的人生若是有你就香

無味的人生若是有你就芳

bô-bī ê lîn-sing nā-sī ū lí tio̍h phang

現在我才知道 我不是一個人

這馬我才知影 我毋是一个人

tsit-má guá tsiah tsai-iánn guá m̄ sī tsi̍t ê lâng

有蚵仔就有麵線

有蚵仔著愛有麵線

ū ô-á tio̍h-ài ū mī-suànn

-

-

這個世界 有我沒我 看來攏沒差

這个世界 有我無我 看來攏無差

tsit ê sè-kài ū guá bô guá khuànn-lâi lóng bô-tsha

但是有你 陪我唱歌 安怎都快活

但是有你 陪我唱歌 按怎攏快活

tān-sī ū lí puê guá tshiùnn-kua án-tsuánn lóng khuìnn-ua̍h

我的人生 有你陪伴 雖然也會怕

我的人生 有你陪伴 雖然嘛會驚

guá ê lîn-sing ū lí puê-phuānn sui-jiân mā ē kiann

但是沒你 我不知道 我可以做啥

但是無你 我毋知影 我會當鑿啥

tān-sī bô lí guá m̄ tsai-iánn guá ē-tàng tshòng-siánn