腳步遠遠 我就知 是誰過街 朝這來

跤步遠遠 我就知 是siáng過街 對遮來

kha-pōo hn̄g-hn̄g guá tio̍h tsai, sī siáng kuè ke tuì tsia lâi

不免招呼 自己坐 同款喔 同款就好

毋免招呼 家己坐 仝款喔 仝款就好

m̄-bián tsio-hoo ka-tī tsē, kāng-khuán--ooh kāng-khuán tio̍h hó

是咱最常講的一句話 你眼睛閉著 笑吟吟

是咱上捷講的一句話 你目睭瞌瞌 笑文文

sī lán siōng tsia̍p kóng ê tsi̍t kù uē, lí ba̍k-tsiu kheh-kheh tshiò-bûn-bûn

三千煩惱 過我的手 就像清風去無痕

三千煩惱 過我的手 親像清風去無痕

san-tshian huân-ló kuè guá ê tshiú, tshin-tshiūnn tshing-hong khì bô hûn

-

-

日落月出 也無聲 歲月靜靜 走到這

日落月出 嘛無聲 歲月恬恬 行到遮

ji̍t-lo̍h gue̍h tshut mā bô-siann, suè-gua̍t tiām-tiām kiânn kàu tsia

頭髮鬍鬚 都變白 我來去 你慢慢走

頭鬃喙鬚 攏變白 我來去 你勻勻仔行

thâu-tsang tshuì-tshiu lóng piàn pe̍h, guá lâi-khì lí ûn-ûn-á kiânn

咱習慣用這樣說再會 你轉頭看我 笑咪咪

咱慣勢用按呢講再會 你越頭看我 笑微微

lán kuàn-sì iōng án-ne kóng tsài-huē, lí ua̍t-thâu khuànn guá tshiò-bî-bî

有話要講 又嫌多餘 留著日後相會時

有話欲講 閣嫌費氣 留咧日後相會時

ū uē beh kóng koh hiâm huì-khì, lâu leh ji̍t-āu siong-huē sî

-

-

人說人生說短也是長 誰來誰去都是靠緣分

人講人生講短嘛是長 siáng來siáng去攏是靠緣分

lâng kóng jîn-sing kóng té mā-sī tn̂g, siáng lâi siáng khì lóng sī khò iân-hun

若是互相信任和理解 再是陌生也會變熟識

若是互相信任佮理解 閣較生份嘛會變熟似

nā-sī hōo-siong sìn-jīm kah lí-kái, koh-khah tshenn-hūn mā ē piàn si̍k-sāi

心頭一旦有人留在那 路途再暗再遠也不孤單

心頭一旦有人留佇遐 路途較暗較遠嘛袂孤單

sim-thâu it-tàn ū-lâng lâu tī-hia, lōo-tôo khah àm khah hn̄g mā buē koo-tuann