│孤單的坎坷路

孤單的坎坷路

koo-tuann ê khám-khia̍t lōo

│亂世中追求再相逢

亂世中追求再相逢

luān-sè tiong tui-kiû tsài siong-hông

│笑看人生虛情

笑看人生虛情

tshiàu-khuànn jîn-sing hi-tsîng

│烏雲伴明月

烏雲伴明月

oo-hûn phuānn bîng-gue̍h

│像花落地

像花落地

tshiūnn hue lo̍h tē

│生命刻著一筆ㄧ畫

生命刻著一筆一劃

sìnn-miā khik tio̍h tsi̍t-pit tsi̍t-ue̍h

│阮真正愛過 真正愛過

阮真正愛過 真正愛過

gún tsin-tsiànn ài--kuè tsin-tsiànn ài--kuè

-

-

-

│找勇氣向前衝

揣勇氣向前衝

tshuē ióng-khì hiòng-tsiân tshiong

│浮沉中衝出冷冰霜

浮沉中衝出冷冰霜

phû-tîm tiong tshiong tshut líng ping-song

│淚飲人生悲情無伴來作伙

淚飲人生悲情無伴來作伙

luī ím jîn-sing pi-tsîng bô phuānn lâi tsuè-hué

│像雨在飛 夢只剩飄零的風雪

像雨咧飛 夢只賰飄零的風雪

tshiūnn hōo teh pue bāng tsí tshun phiau-lîng ê hong-seh

│無通後悔 抉棟後悔

無通後悔 袂當後悔

bô-thang hiō-hué buē-tàng hiō-hué

-

-

-

│千年風 萬年風

千年風 萬年風

tshian-nî hong bān-nî hong

│替阮阻擋戰火四方

替阮阻擋戰火四方

thè gún tsóo-tòng tsiàn-hué sù-hong

│閃閃的金光

閃閃的金光

siám-siám ê kim-kong

│迷亂中有你的笑容

迷亂中有你的笑容

bê-luān tiong ū lí ê tshiò-iông

-

-

-

│隨風飄飄來

隨風飄飄來

suî hong phiau-phiau lâi

│輕輕破開萬年波浪

輕輕破開萬年波浪

khin-khin phuà-khui bān-nî pho-lōng

│飄泊人生為你驕傲

飄泊人生為你驕傲

phiau-po̍k jîn-sing uī lí kiau-ngōo

│搖搖擺擺走路有風

囂囂俳俳行路有風

hiau-hiau-pai-pai kiânn-lōo ū hong

│為你向前衝

為你向前衝

uī lí hiòng-tsiân tshiong

-

-

-

│世間的鴛鴦蝴蝶攏是愛作陣飛

世間的鴛鴦蝴蝶攏是愛做陣飛

sè-kan ê uan-iunn ôo-tia̍p lóng-sī ài tsuè-tīn pue

│愛流浪的你

愛流浪的你

ài liû-lōng ê lí

│放阮一去不回

放阮一去不回

pàng gún it-khì put-huê

│世間的鴛鴦蝴蝶攏是愛作陣飛

世間的鴛鴦蝴蝶攏是愛做陣飛

sè-kan ê uan-iunn ôo-tia̍p lóng-sī ài tsuè-tīn pue

│青春作弄只好一切隨風吹

青春作弄只好一切隨風吹

tshing-tshun tsok-lōng tsí-hó it-tshè suî hong-tshue