│寒風野鳥 誰人底低哮

寒風野鳥 啥人佇咧吼

hân-hong iá-tsiáu, siánn-lâng tī-teh háu

│覓在鏡內 惦惦目屎流

覕佇鏡內 恬恬目屎流

bih tī kiànn-lāi, tiām-tiām ba̍k-sái lâu

│滴滴像針 插入心肝頭

滴滴像針 插入心肝頭

tih-tih tshiūnn tsiam, tsah ji̍p sim-kuann-thâu

│像這場雪 凍入我的喉嚨

像這場雪 凍入我的嚨喉

tshiūnn tsit tiûnn seh, tàng ji̍p guá ê nâ-âu

-

-

-

│時間底迺 天也漸漸老

時間咧踅 天也漸漸老

sî-kan teh se̍h, thinn iā tsiām-tsiām lāu

│白雲飄飄 親像白了頭

白雲飄飄 親像白了頭

pe̍h-hûn phiau-phiau, tshin-tshiūnn pe̍h-liáu thâu

│張張字紙 替我記牢牢

張張字紙 替我記牢牢

tiunn-tiunn jī-tsuá, thè guá kì tiâu-tiâu

│一頁一頁 陪伴百年後

一頁一頁 陪伴百年後

tsi̍t ia̍h tsi̍t ia̍h, puê-phuānn pah-nî āu

-

-

-

│紡見的時間 是啥人底憨憨等

拍毋見的時間 是啥人咧戇戇等

phàng-kìnn ê sî-kan, sī siánn-lâng teh gōng-gōng tán

│歲月總是不停的流轉

歲月總是不停的流轉

suè-gua̍t tsóng--sī put-thîng ê liû-tsuán

│春夏秋冬 月圓月缺

春夏秋冬 月圓月缺

tshun-hā-tshiu-tang, gue̍h înn gue̍h khuat

│往事不過轉眼 是何時 樹葉也反紅

往事不過轉眼 是何時 樹葉也反紅

óng-sū put-kò tsuán-gán, sī hô-sî, tshiū-hio̍h iā huán-âng