│為情啊　總是惹滿身傷痕

為情啊　總是惹滿身傷痕

uî tsîng a , tsóng-sī jiá buán sin siong-hûn

│憂愁啊　跟我日出到黃昏

憂愁啊　綴我日出到黃昏

iu-thiû a , tuè guá ji̍t-tshut kàu hông-hun

│一路坎坷行袂斷

一路坎坷行袂斷

tsi̍t-lōo khám-khia̍t kiânn buē tn̄g

│就不免怨嘆命運

就不免怨嘆命運

tiō m̄-bián uàn-thàn miā-ūn

│該來的時袸　嘛就忍受

該來的時陣　嘛就忍受

kai lâi ê sî-tsūn , mah tiō jím-siū

-

～～～

～～～

│不敢想　感情何時才久長

毋敢想　感情何時才久長

m̄ kánn siūnn , kám-tsîng hô-sî tsiah kú-tn̂g

│無要求　只有留乎天打算

無要求　只有留予天打算

bô iau-kiû , tsí-ū lâu hōo thinn phah-sǹg

│我有愛伊的單純　煞無緣份來牽手

我有愛伊的單純　煞無緣份來牽手

guá ū ài i ê tan-sûn , suah bô iân-hūn lâi khan-tshiú

│明知無結局　

明知無結局

bîng-tsai bô kiat-kio̍k

│早就認份

早就認份

tsá tiō jīn-hūn

-

～～～

～～～

│註定斬袂斷已經受傷的靈魂

註定斬袂斷已經受傷的靈魂

tsù-tiānn tsám buē tn̄g í-king siū-siong ê lîng-hûn

│只有勇敢面對苦痛腹內吞

只有勇敢面對苦痛腹內吞

tsí-ū ióng-kám bīn-tuì khó͘-thàng pak-lāi thun

│註定逃袂開一片癡情綁著我

註定逃袂開一片癡情縛著我

tsù-tiānn tô bē khui tsi̍t-phiàn tshi tsîng pa̍k tio̍h guá

│一粒心　甘願受無啥理由

一粒心　甘願受無啥理由

tsi̍t-lia̍p sim , kam-guān siū bô siánn lí-iû