│歡迎來到這 真正好七逃 風景真美麗

歡迎來到遮 真正好𨑨迌 風景真美麗

huan-gîng lâi-kàu tsia, tsin-tsiànn hó tshit-thô, hong-kíng tsin bí-lē

│這有善良ㄟ老百姓 熱情ㄟ人情味

遮有善良的老百姓 熱情的人情味

tsia ū siān-liông ê láu-peh-sènn, jia̍t-tsîng ê jîn-tsîng-bī

│來泡茶 吃飽抉 汝吃飽抉！

來泡茶 食飽未 你食飽未

lâi phàu tê, tsia̍h-pá--buē, lí tsia̍h-pá--buē

--

.

.

│多謝來到這 做伙入來坐 海湧真美麗

多謝來到遮 做伙入來坐 海湧真美麗

to-siā lâi-kàu tsia, tsò-hué ji̍p-lâi tsē, hái-íng tsin bí-lē

│這有鳳梨釋迦 趣味ㄟ人情味

遮有王梨釋迦 趣味的人情味

tsia ū ông-lâi sik-khia, tshù-bī ê jîn-tsîng-bī

│來跳舞 來唱歌 咱來唱歌！

來跳舞 來唱歌 咱來唱歌

lâi thiàu-bú, lâi tshiùnn-kua, lán lâi tshiùnn-kua

--

.

.

│廟會真鬧熱 夜市仔人真濟

廟會真鬧熱 夜市仔人真濟

biō-huē tsin lāu-jia̍t, iā-tshī-á lâng tsin tsē

│四界攏是充滿土地力量 骨力ㄟ做事人

四界攏是充滿土地力量 骨力的作穡人

sì-kè lóng-sī tshiong-buán thóo-tē li̍k-liōng, kut-la̍t ê tsoh-sit-lâng

│傳統ㄟ祭典 國際化ㄟ藝術

傳統的祭典 國際化的藝術

thuân-thóng ê tsè-tián, kok-tsè-huà ê gē-su̍t

│四界攏是充滿在地氣味 頂真ㄟ賺食人

四界攏是充滿在地氣味 頂真的趁食人

sì-kè lóng-sī tshiong-buán tsāi-tē khì-bī, tíng-tsin ê thàn-tsia̍h-lâng

--

.

.

│美麗啊！不美麗！月娘彎彎 面若紅紅

美麗呀 不美麗 月娘彎彎 面仔紅紅

měilì ia, bù měilì, gue̍h-niû uan-uan, bīn-á âng-âng

│美麗啊！美不美麗！起甲高高 笑阮番番

美麗呀 美不美麗 起甲懸懸 笑阮番番

měilì ia, měi bù měilì, khí kah kuân-kuân, tshiò gún huan-huan

--

.

.

│咱攏住底這 咱會有孩子 咱攏甲惜命命

咱攏蹛佇遮 咱會有囡仔 咱攏共惜命命

lán lóng tuà tī tsia, lán ē ū gín-á, lán lóng kā sioh-miā-miā

│雖然熱天有風颱 三不五時做地震

雖然熱天有風颱 三不五時做地動

sui-jiân jua̍h-thinn ū hong-thai, sam-put-gōo-sî tsò tē-tāng

│咱欲留乎啥！怹就得到啥！汝甘攏嘸驚！

咱欲留予啥 怹就得著啥 你敢攏毋驚

lán beh lâu hōo siánn, in tiō tit-tio̍h siánn, lí kám lóng m̄-kiann

--

.

.

│美麗啊！不美麗！月娘彎彎 面若紅紅

美麗呀 不美麗 月娘彎彎 面仔紅紅

měilì ia, bù měilì, gue̍h-niû uan-uan, bīn-á âng-âng

│美麗啊！美不美麗！起甲高高 笑阮番番

美麗呀 美不美麗 起甲懸懸 笑阮番番

měilì ia, měi bù měilì, khí kah kuân-kuân, tshiò gún huan-huan