│初戀的人達工見面

初戀的人逐工見面

tshoo-luân ê lâng ta̍k-kang kìnn-bīn

│熱戀的人少一條筋

熱戀的人減一條筋

jia̍t-luân ê lâng kiám tsi̍t-tiâu kin

│迷戀的人頭暈暈

迷戀的人頭眩眩

bê-luân ê lâng thâu hîn-hîn

│思戀的人無頭無神

思戀的人無頭無神

su-luân ê lâng bô-thâu bô-sîn

│你的聰明天真我相信

你的聰明天真 我相信

lí ê tshong-bîng thian-tsin, guá siong-sìn

│你的溫柔體貼我承認

你的溫柔體貼 我承認

lí ê un-jiû thé-thiap, guá sîng-jīn

│甲你鬥陣春風滿面

佮你鬥陣 春風滿面

kah lí tàu-tīn, tshun-hong muá-bīn

│阮有一個幸福的愛人

阮有一个幸福的愛人

gún ū tsi̍t-ê hīng-hok ê ài-jîn

-

.

.

│愛情親像一本無字天書

愛情親像一本無字天書

ài-tsîng tshin-tshiūnn tsi̍t-pún bô-jī thian-su

│有情的人才看有

有情的人才看有

ū-tsîng ê lâng tsiah khuànn-ū

│癡情的人 看到感動歌詞

痴情的人 看著感動歌詞

tshi-tsîng ê lâng, khuànn-tio̍h kám-tōng kua-sû

│煞來想起彼段傷心往事

煞來想起彼段傷心往事

suah lâi siūnn-khí hit tuānn siong-sim óng-sū

│愛情親像一本無字天書

愛情親像一本無字天書

ài-tsîng tshin-tshiūnn tsi̍t-pún bô-jī thian-su

│無情的人欲那看有

無情的人欲哪看有

bô-tsîng ê lâng beh ná khuànn-ū

│癡情的人 因為無情辜負

痴情的人 因為無情辜負

tshi-tsîng ê lâng, in-uī bô-tsîng koo-hū

│才了解有緣無緣由天作主

才了解有緣無緣 由天做主

tsiah liáu-kái ū-iân bô-iân, iû thinn tsuè-tsú