│人講成家了後才來立業

人講成家了後 才來立業

lâng kóng sîng-ke liáu-āu, tsiah lâi li̍p-gia̍p

│一個人打拼也有十外冬

一个人拍拚 也有十外冬

tsi̍t-ê lâng phah-phànn, iā ū tsa̍p guā tang

│感情路上跌幾坑

感情路上跋幾空

kám-tsîng-lōo siōng pua̍h kuí khang

│頭路事業爬幾層

頭路事業幾層

thâu-lōo sū-gia̍p peh kuí tsān

│來問自己 還欠佗一項

來問家己 猶欠佗一項

lâi mn̄g ka-tī, iáu khiàm tó tsi̍t hāng

-

.

.

│等到緣分有一天入心房

等到緣份 有一工入心房

tán-kàu iân-hūn, ū-tsi̍t-kang ji̍p sim-pâng

│阮的將來有什麼無共款

阮的將來 有啥物無仝款

gún ê tsiong-lâi, ū siánn-mi̍h bô kāng-khuán

│感覺若對不通等

感覺若著 毋通等

kám-kak nā tio̍h, m̄-thang tán

│喜字圓滿是一雙

喜字圓滿是一雙

hí--jī uân-buán sī tsi̍t-siang

│手指慢慢 交換半世人

手指慢慢 交換半世人

tshiú-tsí bān-bān, kau-uānn puànn-sì-lâng

-

.

.

│一支香 求一家伙的平安

一枝香 求一家伙的平安

tsi̍t-ki hiunn, kiû tsi̍t-ke-hué ê pîng-an

│一陣香 隨一蕊花來相送

一陣芳 隨一蕊花來相送

tsi̍t-tsūn phang, suî tsi̍t luí hue lâi sio-sàng

│未來啊 阮的手惦惦交乎伊來牽

未來啊 阮的手 恬恬交予伊來牽

bī-lâi--ah, gún ê tshiú, tiām-tiām kau hōo i lâi khan

│柴米油鹽 一路風雨兩人行 (未驚惶)

柴米油鹽 一路風雨兩人行(一路風雨袂驚惶)

tshâ bí iû iâm, tsi̍t-lōo hong-hōo nn̄g-lâng kiânn (tsi̍t-lōo hong-hōo buē kiann-hiânn)

-

.

.

│有眠夢 就不驚過去黯淡

有眠夢 就毋驚過去暗淡

ū bîn-bāng, tiō m̄-kiann kuè-khì ám-tām

│有承擔 就不免日日操煩

有承擔 就毋免日日操煩

ū sîng-tam, tiō m̄-bián ji̍t-ji̍t tshau-huân

│父母啊 請放心慢慢將阮手來放

爸母啊 請放心 慢慢將阮手來放

pē-bú--ah, tshiánn hòng-sim, bān-bān tsiong gún tshiú lâi pàng

│恁的不甘 阮會偷偷拿來藏

恁的毋甘 阮會偷偷提來藏

lín ê m̄-kam, gún ē thau-thau the̍h lâi tshàng

-

.

.

│父母啊 請放心慢慢將阮手來放

爸母啊 請放心 慢慢將阮手來放

pē-bú--ah, tshiánn hòng-sim, bān-bān tsiong gún tshiú lâi pàng

│恁的不甘 阮會偷偷拿來藏

恁的毋甘 阮會偷偷提來藏

lín ê m̄-kam, gún ē thau-thau the̍h lâi tshàng