│花開無聲 落土萬般痛

花開無聲 落塗萬般疼

hue khui bô-siann, lo̍h-thôo bān-puann thiànn

│愛情無聲 離開看無影

愛情無聲 離開看無影

ài-tsîng bô-siann, lī-khui khuànn-bô iánn

│一個人吃的飯

一个人食的飯

tsi̍t-ê-lâng tsia̍h ê pn̄g

│叫做落魄失魂

叫做落魄失魂

kiò-tsuè lo̍k-phik sit-hûn

│一個人的眠床

一个人的眠床

tsi̍t-ê lâng ê bîn-tshn̂g

│夢何時才認份才天光

夢何時才認份才天光

bāng hô-sî tsiah jīn-hūn, tsiah thinn-kng

-

.

.

│誰人巴兩個啊乎我清醒

啥人𢼌兩个仔 予我清醒

siánn-lâng pa nn̄g-ê-á, hōo guá tshing-tshínn

│誰人殺一刀啊剖開相思

啥人刣一刀仔 破開相思

siánn-lâng thâi tsi̍t-to-á, phuà khui siunn-si

│感情千絲萬縷

感情千絲萬縷

kám-tsîng tshing-si bān-lú

│過去千言萬語

過去千言萬語

kuè-khì tshian-giân bān-gí

│愛到最後 剩一口氣

愛到最後 賰一口氣

ài kàu tsuè-āu, tshun tsi̍t kháu khuì

-

.

.

│誰人巴兩個啊乎我清醒

啥人𢼌兩个仔 予我清醒

siánn-lâng pa nn̄g-ê-á, hōo guá tshing-tshínn

│誰人卯一拳啊嘜閣想伊

啥人揍一拳仔 莫閣想伊

siánn-lâng bok tsi̍t-kûn-á, mài koh siūnn i

│往事千斤萬斤

往事千斤萬斤

óng-sū tshian-kin bān-kin

│情路千里萬里

情路千里萬里

tsîng-lōo tshian-lí bān-lí

│一世人擔袂起 一句 我恨你

一世人擔袂起 一句我恨你

tsi̍t-sì-lâng tann buē khí, tsi̍t kù guá hūn lí

-

.

.

│我的心聲 路途無人疼

我的心聲 路途無人疼

guá ê sim-siann, lōo-tôo bô-lâng thiànn

│我的孤單 寂寞誰來聽

我的孤單 寂寞誰來聽

guá ê koo-tuann, tsi̍k-bo̍k sia̋ng lâi thiann

│一個人等的門

一个人等的門

tsi̍t-ê lâng tán ê mn̂g

│關心去叨位分

關心去佗位分

kuan-sim khì tó-uī pun

│一個人的傷痕

一个人的傷痕

tsi̍t-ê lâng ê siong-hûn

│看袂清這情份這命運

看袂清這情份這命運

khuànn buē tshing tse tsîng-hūn tse miā-ūn

-

.

.

│安怎講攏講袂聽

按怎講攏講袂聽

án-tsuánn kóng lóng kóng buē thiann

│安怎拖攏拖袂行

按怎拖攏拖袂行

án-tsuánn thua lóng thua buē kiânn

│愛若是 一變心 一反形 一殺氣

愛若是一變心 一反形 一殺氣

ài nā-sī tsi̍t piàn-sim, tsi̍t huán-hîng, tsi̍t sat-khì

│沒人博會贏

無人跋會贏

bô-lâng pua̍h ē iânn