│會記得　阮說過　想要愛你一世人

會記得阮講過 想欲愛你一世人

ē-kì-tit gún kóng--kuè, siūnn-beh ài lí tsi̍t-sì-lâng

│因為阮　不是初初　接觸愛情的人

因為阮毋是初初接觸愛情的人

in-uī gún m̄-sī tshoo-tshoo tsiap-tshiok ài-tsîng ê lâng

│阮的心　為你茫　你甲別人不同款

阮的心為你茫 你佮別人無仝款

gún ê sim uī lí bâng, lí kah pa̍t-lâng bô kāng-khuán

│你甘有愛阮　親像阮愛你這重

你敢有愛阮 親像阮愛你遮重

lí kám ū ài gún, tshin-tshiūnn gún ài lí tsiah tāng

-

.

.

│若沒愛你要愛誰　甘擱有別人　

若無愛你 欲愛誰 敢閣有別人

nā bô ài lí, beh ài siâng, kám koh ū pa̍t-lâng

│一生一世心甘願

一生一世心甘願

it-sing-it-sè sim kam-guān

│若是無你世間　有啥抹倘放　

若是無你 世間有啥袂當放

nā-sī bô lí, sè-kan ū siánn bē-tàng pàng

│除了愛你沒別人

除了愛你 無別人

tû-liáu ài lí, bô pa̍t-lâng

│若沒愛你要愛誰　到老攏同款　

若無愛你 欲愛誰 到老攏仝款

nā bô ài lí, beh ài siâng, kàu lāu lóng kāng-khuán

│用心用情來相送

用心用情來相送

iōng sim iōng tsîng lâi sio-sàng

│風風雨雨只要有你一個人　

風風雨雨 只要有你一个人

hong-hong-ú-ú, tsí-iàu ū lí tsi̍t-ê lâng

│擱卡艱苦阮也心甘情願

閣較艱苦 阮也心甘情願

koh-khah kan-khóo, gún iā sim-kam-tsîng-guān