│是什麼款的旅程 遇到你的天命

是啥物款的旅程 拄著你的天命

sī siánn-mih khuán ê lú-tîng, tú-tio̍h lí ê thian-bīng

│是什麼款的眼神 乎你驚為天人

是啥物款的眼神 予你驚為天人

sī siánn-mih khuán ê gán-sîn, hōo lí kiann uî thian-jîn

│是什麼款的夢境 聽到伊的回音

是啥物款的夢境 聽著伊的回音

sī siánn-mih khuán ê bāng-kíng, thiann-tio̍h i ê huê-im

│是什麼款的痴心 打算海誓山盟

是啥物款的痴心 拍算海誓山盟

sī siánn-mih khuán ê tshi-sim, phah-sǹg hái-sè san-bîng

-

.

.

│自古英雄這多情

自古英雄遮多情

tsū-kóo ing-hiông tsiah to-tsîng

│無愛江山愛美人

無愛江山愛美人

bô-ài kang-san ài bí-jîn

│偏偏美人願獨身

偏偏美人願獨身

phian-phian bí-jîn guān to̍k-sin

│英雄無到最後不死心

英雄無到最後袂死心

ing-hiông bô kàu tsuè-āu buē sí-sim

-

.

.

│是什麼款的不平 乎你出手相挺

是啥物款的不平 予你出手相伨

sī siánn-mih khuán ê put-pîng, hōo lí tshut-tshiú sio-thīn

│是什麼款的純情 願意徹底犧牲

是啥物款的純情 願意澈底犧牲

sī siánn-mih khuán ê sûn-tsîng, guān-ì thiat-té hi-sing

│是什麼款的殘忍 沒見最後一面

是啥物款的殘忍 無見最後一面

sī siánn-mih khuán ê tsân-jím, bô kìnn tsuè-āu tsi̍t-bīn

│是什麼款的平靜 才來離開紅塵

是啥物款的平靜 才來離開紅塵

sī siánn-mih khuán ê pîng-tsīng, tsiah lâi lī-khui âng-tîn

-

.

.

│自古紅顏這薄命

自古紅顏遮薄命

tsū kóo hông-gân tsiah po̍k-bīng

│英雄情債為伊還

英雄情債為伊還

ing-hiông tsîng-tsè uī i hîng

│不驚江湖路這深

毋驚江湖路遮深

m̄-kiann kang-ôo lōo tsiah tshim

│英雄打下江山為美人

英雄拍下江山為美人

ing-hiông phah hā kang-san uī bí-jîn

-

.

.

│情火燒心 無暝無日

情火燒心 無暝無日

tsîng-hué sio sim, bô-mî-bô-ji̍t

│情網纏身 愈結愈深

情網纏身 愈結愈深

tsîng-bāng tînn-sin, jú kiat jú tshim

│情敵野心 煉石成金

情敵野心 煉石成金

tsîng-ti̍k iá-sim, liān tsio̍h sîng kim

│情場起湧 一戰成名

情場起湧 一戰成名

tsîng-tiûnn khí íng, it tsiàn sîng bîng