│夢中的情話　啊~是真亦是假

夢中的情話　啊~是真抑是假

Bāng-tiong ê tsîng-uē, a--sī tsin iah sī ké

│嘸管風雨怎樣底吹　阮猶原嘸甘清醒

毋管風雨怎樣佇吹　阮猶原毋甘清醒

m̄-kuán hong-hōo tsuánn-iūnn tī tshue, gún iû-guân m̄-kam tshing-tshénn

│夢中叮嚀的話　雖然只有幾句話

夢中叮嚀的話　雖然只有幾句話

Bāng-tiong ting-lîng ê uē, sui-jiân tsí-ū kuí kù uē

│乎我溫暖在心底　真想要來用心交陪

予我溫暖在心底　真想要來用心交陪

Hōo guá un-luán tsāi sim-té, tsin-siūnn beh lâi iōng-sim kau-puê

│夢中的情話　啊~是真不是假

夢中的情話　啊~是真毋是假

Bāng-tiong ê tsîng-uē, a--sī tsin m̄-sī ké

│雖然夢境彼呢短　愛你永遠袂反悔

雖然夢境遐爾短　愛你永遠袂反悔

Sui-jiân bāng-kíng hiah-ní té, ài lí íng-uán buē huán-hué

│夢中叮嚀的話　山盟海誓一句話

夢中叮嚀的話　山盟海誓一句話

Bāng-tiong ting-lîng ê uē, san-bîng-hái-sè tsi̍t-kù-uē

│望你謹記在心底　我會用真心來交陪

望你謹記在心底　我會用真心來交陪

Bāng lí kín-kì tsāi sim-té, guá ē iōng tsin-sim lâi kau-puê

│感謝你對我這坦白　乎我有重新出發的機會

感謝你對我遮坦白　予我有重新出發的機會

Kám-siā lí tuì guá tsiah thán-pe̍h, hōo guá ū tiông-sin tshut-huat ê ki-huē

│初戀的滋味也試過　著乎感情來冷靜徹底

初戀的滋味也試過　著予感情來冷靜澈底

Tshoo-luân ê tsu-bī iá tshì-kuè, tio̍h hōo kám-tsîng lâi líng-tsīng thiat-té

│只要咱相愛過程美麗

只要咱相愛過程美麗

Tsí-iau lán siōng-ài kuè-tîng bí-lē

│就隨緣份安排一切

就隨緣份安排一切

Tō suî iân-hūn an-pâi it-tshè

│感謝天的成全體會　乎咱有一擺

感謝天的成全體會　予咱有一擺

Kám-siā thinn ê sîng-tsuân thé-huē, hōo-lán ū tsi̍t-pái

│相愛的機會

相愛的機會

Siong-ài ê ki-huē