｜這個風風雨雨的社會

這个風風雨雨的社會

tsit ê hong-hong-ú-ú ê siā-huē

｜欲怎樣開花

欲怎樣開花

beh tsuánn-iūnn khui-hue

｜少年家怎樣落地

少年家怎樣落地

siàu-liân-ke tsuánn-iūnn lo̍h-tē

｜咱攏是為著愛情來浪流連

咱攏是為著愛情來浪溜嗹

lán lóng sī uī-tio̍h ài-tsîng lâi lōng-liú-lian

（敢有人愛我）

（敢有人愛我）

(kám ū-lâng ài guá)

--

.

.

｜我已經決定欲做一个善良的歹囝

我已經決定欲做一个善良的歹囝

guá í-king kuat-tīng, beh tsuè tsi̍t-ê siān-liông ê pháinn-kiánn

｜薰莫閣食酒袂閣焦

薰莫閣食酒袂閣焦

hun mài koh tsia̍h, tsiú buē koh ta

｜想你的彼暗 佇恁兜的亭仔跤

想你的彼暗 佇恁兜的亭仔跤

siūnn lí ê hit àm, tī lín tau ê tîng-á-kha

｜想你的彼暗 佇恁兜的窗仔外

想你的彼暗 佇恁兜的窗仔外

siūnn lí ê hit àm, tī lín tau ê thang-á-guā

--

.

.

｜其實我生活甲無好我家己攏知影

其實我生活甲無好我家己攏知影

kî-si̍t guá sing-ua̍h kah bô hó, guá ka-kī lóng tsai-iánn

｜恁攏了解我會掩崁我的軟汫

恁攏了解我會掩崁我的軟汫

lín lóng liáu-kái guá ē am-khàm guá ê nńg-tsiánn

｜平凡的 歹命的 咱拼死做

平凡的 歹命的 咱拚死做

pîng-huân--ê, pháinn-miā--ê, lán piànn-sì tsuè

｜哦 當做講笑詼 哦 攏是白賊話

哦 當做講笑詼 哦 攏是白賊話

ooh~ tòng-tsuè kóng- tshiò-khue, ooh~ lóng sī pe̍h-tsha̍t-uē

--

.

.

｜猶原會記得我少年時所偷偷烏白寫的願望

猶原會記得我少年時所偷偷烏白寫的願望

iu-guân ē-kì-tit guá siàu-liân-sî, sóo thau-thau oo-pe̍h siá ê guān-bāng

｜彼當陣我已經當做這世界我早著已經看破

彼當陣我已經當做這世界我早就已經看破

hit-tang-tsūn guá í-king tòng-tsuè, tsit sè-kài guá tsá tiō í-kīng khuànn-phuà

｜後世人 袂閣為著你來 浪流連

後世人 袂閣為著你來 浪溜嗹

āu-sì-lâng, buē koh uī-tio̍h lí lâi lōng-liú-lian