千江水　千江月　千里帆

千江水　千江月　千里帆

Tshian kang suí, tshian kang gue̍h, tshian lí phâng

千重山　千里江山　我最水

千重山　千里江山　我上媠

Tshian tiông san, tshian-lí kang-san, guá siōng suí

萬里月　萬里城　萬里愁

萬里月　萬里城　萬里愁

Bān-lí gue̍h, bān-lí siânn, bān-lí tshiû

萬里煙　萬里風霜　我最妖嬌

萬里煙　萬里風霜　我上妖嬌

Bān-lí ian, bān-lí hong-song, guá siōng iau-kiau

什麼款ㄟ殺氣　什麼款ㄟ角色

啥物款的殺氣　啥物款的角色

Siánn-mi̍h khuán ê sat-khì, siánn-mi̍h khuán ê kak-sik

什麼款ㄟ梟雄　迫阮策馬墜風塵

啥物款的梟雄　迫阮策馬墜風塵

Siánn-mi̍h khuán ê hiau-hiông, pik gún tshik má tuī hong-tîn

什麼款ㄟ愛情　什麼款ㄟ墜落

啥物款的愛情　啥物款的墜落

Siánn-mi̍h khuán ê ài-tsîng, siánn-mi̍h khuán ê tuī-lo̍h

什麼款ㄟ溫柔　後阮日夜攏想你

啥物款的溫柔　予阮日夜攏想你

Siánn-mi̍h khuán ê un-jiû, hōo gún ji̍t-iā lóng siūnn lí

很久以前　狼主的傳說　如今狼煙再起

真久以前　狼主的傳說　如今狼煙再起

Tsin-kú í-tsîng, lông-tsú ê thuân-suat, jû-kin lông-ian tsài-khí

很久以前　狼主的傳說　如今狼煙再起

真久以前　狼主的傳說　如今狼煙再起

Tsin-kú í-tsîng, lông-tsú ê thuân-suat, jû-kin lông-ian tsài-khí

啊　追　追　追

啊　追　追　追

A̋, tui tui tui

追著你ㄟ心　追著你ㄟ人　

追著你的心　追著你的人

Tui tio̍h lí ê sim, tui tio̍h lí ê lâng

追著你ㄟ情　追著你ㄟ無講理

追著你的情　追著你的無講理

Tui tio̍h lí ê tsîng, tuī tio̍h lí ê bô kóng-lí

啊　煩　煩　煩　

啊　煩　煩　煩

A̋, huân huân huân

煩過這世人　心肝如蔥蔥　找無酒來澆

煩過這世人　心肝挐氅氅　揣無酒來沃

Huân kuè tsit-sì-lâng, sim-kuann jû-tsháng-tsháng, tshuē bô tsiú lâi ak

嚥氣啦　麥擱那麼大聲對我說話

厭氣啦　莫閣遐爾大聲對我講話

Iàn-khì--lah, mài koh hiah-nī tuā-siann tuì guá kóng-uē

啊　亂　亂　亂

啊　亂　亂　亂

A̋, luān luān luān

女人ㄟ心　豆腐做ㄟ　

女人的心　豆腐做的

Lú-jîn ê sim, tāu-hū tsuè--ê

為你破碎　任由針底劃

為你破碎　任由針咧揻

Uī lí phò-tshuì, jîm-iû tsiam teh ui