│船螺聲音交響著 酒場小吹聲

船螺聲音交響著 酒場小吹聲

tsûn-lê siann-im kau-hiáng tio̍h, tsiú-tiann sió-tshue siann

│港都又是船入港 回復歡樂影

港都又是船入港 回復歡樂影

káng-too iū sī tsûn ji̍p-káng, huê-ho̍k huan-lo̍k iánn

│酒是不倒來嗎 無醉我不行

酒是毋倒來嗎 無醉我毋行

tsiú sī m̄ tò--lâi-mah, bô tsuì guá m̄ kiânn

│你我乾杯驚什麼 何必著來驚

你我乾杯驚啥物 何必著來驚

lí guá kan-pue kiann siánn-mi̍h, hô-pit tio̍h lâi kiann

│你和我不過是 同款的運命

你佮我不過是 仝款的運命

lí kah guá put-kò sī, kāng-khuán ê ūn-miā

│

.

a a lâm-jî ai-kua

│吉他哀調提醒我 滿腹的恨火

吉他哀調提醒我 滿腹的恨火

gì-tah ai-tiāu thê-tshínn guá, muá-pak ê hūn-bé

│ 舊情何必再想起 已經不重回

舊情何必再提起 已經不重回

kū-tsîng hô-pit tsài thê-khí, í-king put tiông-huê

│曲是不奏來嗎 隨便無問題

曲是毋奏來嗎 隨便無問題

khik sī m̄ tsàu--lâi-mah, suî-piān bô būn-tuê

│你我合唱唱什麼 你唱我就跟

你我合唱唱啥物 你唱我就綴

lí guá ha̍p-tshiùnn tshiùnn siánn-mi̍h, lí tshiùnn guá tsiū tuè

│你和我趁今宵 儘量開心花

你佮我趁今宵 盡量開心花

lí kah guá thàn kim-siau, tsīn-liōng khui sim-hue

│

.

.

│酒女面容那親像 可愛冤仇人

酒女面容若親像 可愛冤仇人

tsiú-lú bīn-iông ná tshin-tsian, khó-ài uan-siû-lâng

│酒場整瞑鬧無停 迷醉人幻夢

酒場規暝鬧袂停 迷醉人幻夢

tsiú-tiûnn kui-mî nāu buē thîng, bê-tsuì jîn huàn-bāng

│你是不偎來嗎 要送我出帆

你是毋倚來嗎 欲送我出帆

lí sī m̄ uá--lâi-mah, beh sàng guá tshut-phâng

│你我乾杯笑什麼 何必帶苦痛

你我乾杯笑啥物 何必帶苦痛

lí guá kan-pue tshiò siánn-mi̍h, hô-pit tài khóo-thàng

│你和我要輕鬆 互相知輕重

你佮我愛輕鬆 互相知輕重

lí kah guá ài khin-sang, hōo-siong tsai-khin-tāng