│作陣也已經五年 今日也著愛分開

做陣也已經五年 今日也著愛分開

tsuè-tīn iā í-king gōo-nî, kim-ji̍t iā tio̍h-ài hun-khui

│手摸著心愛的馬呦 不覺珠淚滴

手摸著心愛馬唷 不覺珠淚滴

tshiú bong tio̍h sim-ài bé--ioh, put-kak tsu-luī tih

│啊 可愛的馬呀 乖乖聽人嘴

啊~可愛馬 乖乖聽人喙

ah~ khó-ài bé, kuai-kuai thiann lâng tshuì

│啊 可愛的馬呀 不通流珠淚啊

啊~可愛馬啊 毋通流珠淚

ah~ khó-ài bé--ah, m̄-thang lâu tsu-luī

│啊 不通流珠淚

啊~毋通流珠淚

ah~ m̄-thang lâu tsu-luī

│阮也猶原不甘離開　心頭像針塊威

阮也猶原毋甘離開 心頭像針咧揻

gún iā iu-guân m̄-kam lī-khui, sim-thâu tshiūnn tsiam teh ui

│

.

.

│彼日也伴阮跑過 對面彼平小山崙

彼日也伴阮跑過 對面彼爿小山崙

hit ji̍t iā phuānn gún pháu kuè, tuì-bīn hit-pîng sió suann-lūn

│想起來像在面前 引人心憂悶

想起來像在面前 引阮心憂悶

siūnn--khí-lâi tshiūnn tsāi bīn-tsîng, ín gún sim iu-būn

│啊 可愛的馬呀 時常卡溫順

啊~可愛馬 時常遮溫順

ah~ khó-ài bé, sî-siông tsiah un-sūn

│啊 可愛的馬呀 時常思念阮

啊~可愛馬啊 時常思念阮

ah~ khó-ài bé--ah, sî-siông su-liām gún

│啊 時常思念阮

啊~時常思念阮

ah~ sî-siông su-liām gún

│原諒阮是為著生活 賣你來換飯吞

原諒阮是為著生活 賣你來換飯吞

guân-liōng gún sī uī-tio̍h sing-ua̍h, bē lí lâi uānn pn̄g thun

│

.

.

│日頭也將近落西 不甘也著放伊去

日頭也將近落西 毋甘也著放伊去

ji̍t-thâu iā tsiong-kūn lo̍h-sai, m̄-kam iā tio̍h pàng i khì

│依賴著新的主人 不通心傷悲

依賴著新的主人 毋通心傷悲

i-nāi tio̍h sin ê tsú-lâng, m̄-thang sim siong-pi

│啊 可愛的馬啊 忍耐過日子

啊~可愛馬啊 忍耐過日子

ah~ khó-ài bé--ah, jím-nāi kuè ji̍t-tsí

│啊 可愛的馬啊 不通心稀微

啊~可愛馬啊 毋通心稀微

ah~ khó-ài bé--ah, m̄-thang sim hi-bî

│啊 不通心稀微

啊~毋通心稀微

ah~ m̄-thang sim hi-bî

│你若有聽人教示 人總會疼惜你

你若有來聽人教示 人總會疼惜你

lí nā ū lâi thiann lâng kà-sī, lâng tsóng ē thiànn-sioh lí