│身穿花紅長洋裝

身穿花紅長洋裝

sin tshīng hue-âng tn̂g iûnn-tsong

│風吹金髮思情郎

風吹金髮思情郎

hong-tshue kim-huat su tsîng-lông

│想郎船何往 音信全無通

想郎船何往 音信全無通

siūnn lông tsûn hô óng, im-sìn tsuân bô thong

│伊是行船仔逐風浪

伊是行船仔拄風浪

i sī kiânn-tsûn-á tú hong-lōng

│放阮情難忘 心情無塊講

放阮情難忘 心情無地講

pàng gún tsîng lân bōng, sim-tsîng bô-tè kóng

│相思寄著海邊風

相思寄著海邊風

siunn-si kià tio̍h hái-pinn hong

│海風無情笑阮憨

海風無情笑阮戇

hái-hong bô-tsîng tshiò gún gōng

│啊 不知初戀心茫茫

啊~毋知初戀心茫茫

ah~ m̄-tsai tshoo-luân sim bông-bông

│

.

.

│相思情郎想自己

想起情郎想自己

siūnn-si tsîng-lông siūnn tsū-kí

│不知爹親二十年

毋知爹親二十年

m̄-tsai tia-tshin jī-tsa̍p nî

│思念想要見 只有金十字

思念想欲見 只有金十字

su-liām siūnn-beh kīnn, tsí-ū kim si̍p-jī

│給阮母親仔做為記

予阮母親仔做遺記

hōo gún bú-tshin--á tsuè uî-kì

│放阮私生兒 聽母初講起

放阮私生兒 聽母初講起

pàng gún su-sing-jî, thiann bú tshoo kóng-khí

│越想不幸越哀悲

愈想不幸愈哀悲

jú siūnn put-hīng jú ai-pi

│到底現在生也死

到底現在生抑死

tàu-té hiān-tsāi sinn ia̍h sí

│啊 伊是荷蘭的船醫

啊~伊是荷蘭的船醫

ah~ i sī Hô-lân ê tsûn-i

│

.

.

│想起母子的運命

想起母囝的運命

siūnn-khí bú-kiánn ê ūn-miā

│心肝想爹也怨爹

心肝想爹也怨爹

sim-kuann siūnn tia iā uàn tia

│別人有爹疼 阮是母親晟

別人有爹疼 阮是母親仔晟

pa̍t-lâng ū tia thiànn, gún sī bú-tshin--á tshiânn

│今日青春孤單影

今日青春孤單影

kim-ji̍t tshing-tshun koo-tuann iánn

│全望多情兄 望兄的船隻

全望多情兄 望兄的船隻

tsuân bāng to-tsîng hiann, bāng hiann ê tsûn-tsiah

│早日回歸安平城

早日回歸安平城

tsá-ji̍t huê-kui An-pîng-siânn

│安平純情金小姐

安平純情金小姐

An-pîng sûn-tsîng Kim sió-tsiá

│啊 等你入港銅鑼聲

啊~等你入港銅鑼聲

ah~ tán lí ji̍p káng tâng-lô siann