│基隆港邊的鐵工廠

雞籠港邊的鐵工場

Ke-lâng káng-pinn ê thih-kang-tiûnn

│裡底有一個少年家

內底有一个少年家

lāi-té ū tsi̍t-ê siàu-liân-ke

│他細漢讀書沒多少

伊細漢讀書無偌濟

i sè-hàn tha̍k-tsu bô guā-tsuē

│今嘛跟人在學手藝

這馬佮人咧學手藝

tsit-má kah lâng leh o̍h tshiú-gē

│整天跟七迌仔在作夥

規工佮𨑨迌仔咧做伙

kui-kang kah tshit-thô-á leh tsò-hué

│沒人願意聽他的心內話

無人願意聽伊的心內話

bô-lâng guān-ì thiann i ê sim-lāi uē

│只好目屎吞下腹肚底

只好目屎吞落去腹肚底

tsí-hó ba̍k-sái thun lue̍h-ì pak-tóo-té

│借酒來麻西

借酒來馬西

tsioh tsiú lâi má-se

│日子一天擱過一天

日子一工閣過一工

ji̍t-tsí tsi̍t-kang koh kuè tsi̍t-kang

│為著生活拼死做

為著生活拚死做

uī-tio̍h sing-ua̍h piànn-sí tsuè

│希望出師來做頭家

希望出師來做頭家

hi-bāng tshut-sai lâi tsuè thâu-ke

│命運愛靠天公伯

命運愛靠天公伯

miā-ūn ài khò thinn-kong-peh

│

.

.

│基隆港邊的鐵路下

雞籠港邊的鐵枝路跤

Ke-lâng káng-pinn ê thih-ki-lōo kha

│有一個下港來的老阿伯

有一个下港來的老阿伯

ū tsi̍t-ê ē-káng lâi ê lāu-a-peh

│他細漢甘苦嘛真壞過

伊細漢艱苦嘛真歹過

i sè-hàn kan-khóo mā tsin pháinn-kuè

│推車出外在賣黑輪

捒車出外咧賣烏輪

sak tshia tshut-guā leh bē oo-lián

│常常也苦勸這位少年仔

定定嘛苦勸這个少年的

tiānn-tiānn mā khóo-khǹg tsit ê siàu-liân--ê

│有閒書就愛淡薄啊讀一下

有閒書著愛淡薄仔讀一下

ū-îng tsu tio̍h-ài tām-po̍h-á tha̍k--tsi̍t-ē

│不要像我少年時就假漂泊

毋通像我少年時就假飄撇

m̄-thang tshiūnn guá siàu-liân-sî tiō ké phiau-phiat

│一世人就麻西麻西

一世人就馬西馬西

tsi̍t-sì-lâng tiō má-se-má-se

│

.

.

│這个無情的社會

這个無情的社會

tsit ê bô-tsîng ê siā-huē

│學歷可以勝過一切

學歷會使勝過一切

ha̍k-li̍k ē-sái sìng-kuè it-tshè

│別人若比你較會讀冊

別人若比你較gau^讀冊

pa̍t-lâng nā pí lí khah gâu tha̍k-tsheh

│每天蹺腳來泡茶

逐工曲跤來泡茶

ta̍k-kang khiau-kha lâi phàu-tê

│

.

.

│目睭一眨少年仔已經五十歲

目睭一nih少年的已經五十歲

ba̍k-tsiu tsi̍t-nih siàu-liân--ê í-king gōo-tsa̍p huè

│坐在忠孝東路的黑頭仔車裡底

坐咧忠孝東路的烏頭仔車內底

tsē leh Tiong-hàu-tang-lōo ê oo-thâu-á-tshia lāi-té

│他說司機啊 請你路邊稍停一下

伊講司機啊, 請你路邊小停一下

i kóng su-ki--ah, tshiánn lí lōo-pinn sió thîng--tsi̍t-ē

│我若像看到彼個黑輪伯仔

我若像看著彼个烏輪伯仔

guá ná-tshiūnn khuànn tio̍h hit ê Oo-lián-peh--á