│咱的查某囝拄度晬

咱的查某囝拄度晬

lán ê tsa-bóo-gín-á tú tōo-tsè

│拄好咧學行學講話

拄好咧學行咧學講話

tú-hó leh o̍h kiânn leh o̍h kóng-uē

│卡叫爸爸佮媽媽

較叫就爸爸佮媽媽

khah kiò tō pá-pah kah má-mah

│爸爸佇山頭咧做山

爸爸踮山頂咧做山

pá-pah tiàm suann-tíng leh tsò-suann

│媽媽佇電視咧唱歌

媽媽佇電視咧唱歌

má-mah tī tiān-sī leh tshiùnn-kua

│苦無時間轉來甲汝看

苦無時間轉來共你看

khóo bô-sî-kan tńg-lâi kā lí khuànn

│抱汝親汝甲汝惜命命

抱你唚你共你惜命命

phō lí tsim lí kā lí sioh-miā-miā

│汝若欲睏唱歌乎汝聽

你若欲睏 唱歌予你聽

lí nā beh khùn, tshiùnn-kua hōo lí thiann

│心肝仔囝 心肝仔囝

心肝仔囝 心肝仔囝

sim-kuann-á-kiánn, sim-kuann-á-kiánn

│

.

.

│毋是阮愛放汝孤單

毋是阮愛放你孤單

m̄-sī gún ài pàng lí koo-tuann

│汝若大漢落知影

你若大漢就會知影

lí nā tuā-hàn tiō ē tsai-iánn

│汝乖巧聽乎清楚毋通驚

你乖巧聽予清楚毋通驚

lí kuai-khá thiann hōo tshing-tshó m̄-thang kiann

│這是媽媽的聲

這是媽媽的聲

tse sī má-mah ê siann

│彼是爸爸的聲

彼是爸爸的聲

he sī pá-pah ê siann

│人生膾使靠運佮靠命

人生袂使靠運佮靠命

jîn-sing buē-sái khò ūn kah khò miā

│凡事認真打拼才會得儂疼

凡事認真拍拚才會得人疼

huân-sū jīn-tsin phah-piànn tsiah ē tit lâng thiànn

│踮佇世間挺挺像山嶺

徛踮世間 挺挺像山嶺

khiā tiàm sè-kan, thíng-thíng tshiūnn suann-niá

│心肝仔囝 心肝仔囝

心肝仔囝 心肝仔囝

sim-kuann-á-kiánn, sim-kuann-á-kiánn