無詞的歌
無詞 ê 歌
無詞的歌
Bô-sû ê Kua
路慢慢行 過車路愛看車
路慢慢行 過車路愛看車
Lōo bān-bān kiânn, kuè tshia-lōo ài khuànn tshia
到厝乎我知影 你牽著我
到厝予我知影 你牽著我
Kàu tshù hōo guá tsai-iánn, lí khan tio̍h guá
講永遠惦置 這 嘸驚老來無伴
講永遠踮佇 遮 毋驚老來無伴
Kóng íng-uán tiàm tī tsia, m̄-kiann lāu lâi bô phuānn
你尚愛聽阮唱歌 欲寫一首乎我
你上愛聽阮唱歌 欲寫一首予我
Lí siōng ài thiann gún tshiùnn-kua, beh siá tsi̍t siú hōo guá
請 阮 斟酌聽
請 阮 斟酌聽
Tshiánn gún tsim-tsiok thiann
la la 你lala 愛我 袸歌詞袂赴寫
la la 你lala 愛我 賰歌詞袂赴寫
La la lí la la ài guá, tshun kua-sû buē-hù siá
叫 無詞 情歌
叫 無詞 情歌
Kiò bô-sû tsîng-kua
-
:
我聽著你寫乎我無詞的歌
我聽著你寫予我無詞的歌
Guá thiann-tio̍h lí siá hōo guá bô sû ê kua
聽到你 聽到愛 聽到我
聽到你 聽到愛 聽到我
Thiann-tio̍h lí, thiann-tio̍h ài, thiann-tio̍h guá
你講欲做我的岸 做落雨天的雨衣
你講欲做我的岸 做落雨天的雨幔
Lí kóng beh tsuè guá ê huānn, tsuè lo̍h-hōo-thinn ê hōo-mua
為何 我猶原攬著孤單
為何 我猶原攬著孤單
Uī-hô guá iû-guân lám tio̍h koo-tuann
-
:
我唱著你寫乎我無詞的歌
我唱著你寫予我無詞的歌
Guá tshiùnn-tio̍h lí siá hōo guá bô sû ê kua
變心的 無情的 你無寫
變心的 無情的 你無寫
Piàn sim--ê, bô tsîng--ê, lí bô siá
唱到無聲才看破 親像 無透尾 電影
唱到無聲才看破 親像 無頭尾 電影
Tshiùnn kàu bô-siann tsiah khuànn-phuà, tshin-tshiūnn bô thàu-bué tiān-iánn
原來 你的無詞情歌 無厝收留我
原來 你的無詞情歌 無厝收留我
Guân-lâi, lí ê bô-sû tsîng-kua, bô tshù siu-liû guá
-
:
la la la 時間親像無詞的歌
la la la 時間親像無詞的歌
La la la sî-kan tshin-tshiūnn bô sû ê kua
聽無你 聽無愛 聽無我
聽無你 聽無愛 聽無我
Thiann bô lí, thiann bô ài, thiann bô guá
無人是永遠的伴 甲己雨傘甲己舉
無人是永遠的伴 家己雨傘家己攑
Bô lâng sī íng-uán ê phuānn, ka-kī hōo-suànn ka-kī gia̍h
嘸驚 幸福路愈行愈陡
毋驚 幸福路愈行愈崎
M̄-kiann, hīng-hok lōo lú kiânn lú kiā
-
:
嘸願唱你寫乎我無詞的歌
毋願唱你寫予我無詞的歌
M̄-guān tshiùnn lí siá hōo guá bô sû ê kua
我愛你 你愛我 賣擱憨啊
我愛你 你愛我 莫閣戇啊
Guá ài lí, lí ài guá, mài koh gōng--a
夢到沒夢才知痛 返頭無人等置遐
夢到無夢才知疼 越頭無人等佇遐
Bāng kàu bô bāng tsiah tsai thiànn, ua̍t-thâu bô lâng tán tī hiah
其實 你的無詞情歌 無厝收留誰
其實 你的無詞情歌 無厝收留誰
Kî-si̍t, lí ê bô-sû tsîng-kua, bô-tshù siu-liû siáng