│風雲飛過全台灣的厝頂

風雲飛過全臺灣的厝頂

hong-hûn pue kuè tsuân-Tâi-uân ê tshù-tíng

│夕陽沉佇橋前

夕陽沉佇橋前

si̍k-iông tîm tī kiô-tsîng

│中山北路的公車

中山北路的公車

Tiong-san-pak-lōo ê kong-tshia

│一班過一班是按怎攏膾停

一幫過一幫 是按怎攏袂停

tsi̍t-pang kuè tsi̍t-pang, sī-án-tsuánn lóng buē thîng

│阮打毋見佇都市的心情

阮拍毋見佇都市的心情

gún phàng-kìnn tī too-tshī ê sim-tsîng

│到底坐佇佗一台

到底坐佇佗一台

tàu-tué tsē tī tó tsi̍t-tâi

│偷偷啊 偷偷啊 偷走去旅行

偷偷仔偷偷仔 偷走去旅行

thau-thau-á thau-thau-á, thau-tsáu khì lú-hîng

│

.

.

│路口閃閃熾熾的青紅燈

路口閃閃爍爍的青紅燈

lōo-kháu siám-siám-sih-sih ê tshinn-âng-ting

│阮已經分不清

阮已經分袂清

gún í-king hun buē tshing

│中山北路的樹仔

中山北路的樹仔

Tiong-san-pak-lōo ê tshiū-á

│一欉閣一欉是按怎攏膾冷

一欉閣一欉 是按怎攏袂冷

tsi̍t-tsâng koh tsi̍t-tsâng, sī-án-tsuánn lóng buē líng

│恁佮阮攏是踮佇台北

恁佮阮攏是踮佇臺北

lín kah gún lóng-sī tiàm-tī Tâi-pak

│佮生活佇咧競爭

恁佮阮攏是踮佇臺北

kah sing-ua̍h tī-leh kīng-tsing

│恬恬啊 恬恬啊 恬恬佇咧拼前程

恬恬仔恬恬仔 恬恬佇咧拚前程

tiām-tiām-á tiām-tiām-á, tiām-tiām tī-leh piànn tsiân-tîng

│

.

.

│汝我夢中繁華的都市

你我夢中繁華的都市

lí-guá bāng-tiong huân-huâ ê too-tshī

│來來去去有遮濟儂

來來去去有遮濟人

lâi-lâi-khì-khì ū tsiah-tsē lâng

│是按怎 是按怎 是按怎攏冷冰冰

是按怎是按怎 是按怎攏冷冰冰

sī-án-tsuánn sī-án-tsuánn, sī-án-tsuánn lóng líng-ping-ping