│有緣　無緣　大家來作伙

有緣、無緣，逐家來做伙。

Ū-iân, bô-iân, ta̍k-ke lâi tsò-hué.

│燒酒喝一杯　乎乾啦　乎乾啦

燒酒啉一杯。予乾啦！予乾啦！

Sio-tsiú lim tsi̍t pue. Hōo ta--lah! Hōo ta--lah!

│扞著風琴　提著吉他　雙人牽作伙　為著生活流浪到淡水

捾著風琴，提著吉他，雙人牽做伙。為著生活流浪到淡水。

Kuānn tio̍h hong-khîm, thê tio̍h gì-tà, siang-lâng khan tsò-hué. Uī-tio̍h sing-ua̍h liû-lōng kàu Tām-tsuí.

│想起故鄉心愛的人　感情用這厚　才知影痴情是第一憨的人

想起故鄉心愛的人，感情用遮厚，才知影痴情是第一戇的人。

Siūnn-khí kòo-hiong sim-ài ê lâng, kám-tsîng iōng tsiah kāu. Tsiah tsai-iánn tshi-tsîng sī tē-it gōng ê lâng.

│燒酒落喉　心情輕鬆　鬱卒放棄捨　往事將伊當作一場夢

燒酒落喉，心情輕鬆，鬱卒放挕捒。往事將伊當做一場夢。

Sio-tsiú lo̍h-âu, sim-tsîng khin-sang, ut-tsut pàng hìnn-sak. Óng-sū tsiong i tòng-tsuè tsi̍t tiûnn bāng.

│想起故鄉　心愛的人　將伊放抹記　流浪到他鄉　重新過日子

想起故鄉，心愛的人，將伊放袂記。流浪到他鄉，重新過日子。

Siūnn-khí kòo-hiong sim-ài ê lâng, tsiong i pàng bē kì. Liû-lōng kàu thann-hiong, tiông-sin kuè ji̍t-tsí.

│阮不是喜愛虛華　阮只是環境來拖磨

阮毋是喜愛虛華。阮只是環境來拖磨。

Guán m̄ sī hí-ài hi-hua. Guán tsí-sī khuân-kíng lâi thua-buâ.

│人客若叫阮　風雨嘛著行　為伊唱出留戀的情歌

人客若叫阮，風雨嘛著行。為伊唱出留戀的情歌。

Lâng-kheh nā kiò guán, hong-hōo mā tio̍h kiânn. Uī i tshiùnn-tshut liû-luân ê tsîng-kua.

│人生浮沈　起起落落　毋免來煩惱　有時月圓　有時也抹平

人生浮沉，起起落落，毋免來煩惱。有時月圓，有時猶未圓

Jîn-sing phû-tîm, khí-khí-lo̍h-lo̍h, m̄-bián lâi huân-ló. Ū-sî gue̍h-înn. Ū-sî iā bē pînn.

│趁著今晚歡歡喜喜　鬥陣來作伙　你來跳舞　我來唸歌詩

趁著今暗歡歡喜喜，鬥陣來做伙。你來跳舞，我來唸歌詩。

Thàn tio̍h ing-ám huann-huann-hí-hí, tàu-tīn lâi tsò-hué. Lí lâi thiàu-bú, guá lâi liām kua-si.

│有緣　無緣　大家來作伙

有緣、無緣，逐家來做伙。

Ū-iân, bô-iân, ta̍k-ke lâi tsò-hué.

│燒酒喝一杯　乎乾啦　乎乾啦

燒酒飲一杯。予乾啦！予乾啦！

Sio-tsiú lim tsi̍t pue. Hōo ta–lah! Hōo ta–lah!