｜ 阮兜的巷仔口有一個檳榔攤

阮兜的巷仔口有一个檳榔擔

gún tau ê hāng-á-kháu ū tsi̍t-ê pin-nn̂g-tànn

｜ 賣檳榔的姑娘仔有真濟人列把

賣檳榔的姑娘仔有真濟人咧奅

buē pin-nn̂g ê koo-niû-á ū tsin tsuē lâng leh phānn

｜ 有人每日交關有人去佮伊作伴　伊是看都無愛看

有人每日交關 有人去佮伊做伴 伊是看都無愛看

ū-lâng muí-ji̍t kau-kuan, ū-lâng khì kah i tsuè-phuānn, i sī khuànn to bô-ài khuànn

｜ 阮兜的巷仔口有一個檳榔攤

阮兜的巷仔口有一个檳榔擔

gún tau ê hāng-á-kháu ū tsi̍t-ê pin-nn̂g-tànn

｜ 賣檳榔的姑娘仔有真濟人列把

賣檳榔的姑娘仔有真濟人咧奅

buē pin-nn̂g ê koo-niû-á ū tsin tsuē lâng leh phānn

｜伊攏不捌表示伊對誰卡甲意　只是認真做生意

伊攏毋捌表示對誰較佮意 只是認真做生理

i lóng m̄-bat piáu-sī tuì siáng khah kah-ì, tsí-sī jīn-tsin tsuè-sing-lí

｜ 伊的紅灰是甘擱甜　伊的菁仔是上

伊的紅灰是甘閣甜 伊的菁仔是上幼齒

i ê âng-hue sī kam koh tinn, i ê tshinn-á sī siōng iù-khí

｜ 伊摎的檳榔是好滋味

伊𩛩的檳榔是好滋味

i kauh ê pin-nn̂g sī hó tsu-bī

｜ 大家攏叫伊檳榔的西施

逐家攏叫伊是檳榔的西施

ta̍k-ke lóng kiò i sī pin-nn̂g ê se-si

.

.

｜ (O.S)哺檳榔是傷嘴齒　嘴若著癌是無藥醫

哺檳榔是傷喙齒 喙若著癌是無藥醫

pōo pin-nn̂g sī siong tshuì-khí, tshuì nā tio̍h-gâm sī bô io̍h i

｜ 檳榔汁呸駕滿滿是　是無衛生擱不識字

檳榔汁呸甲滿滿是 是無衛生閣毋捌字

pin-nn̂g-tsiap phuì kah muá-muá-sī, sī bô uē-sing koh m̄ bat-jī

｜不過為著伊檳榔西施　有人殘殘就撩落去

毋過為著伊檳榔西施 有人殘殘就蹽落去

m̄-koh uī-tio̍h i pin-nn̂g se-si, ū-lâng tshân-tshân tiō liâu--lo̍h-khì

｜甚至有人來為著伊　四界招人釘孤支

甚至有人為著伊 四界招人釘孤支

sīm-tsì ū-lâng uī-tio̍h i, sì-kuè tsio lâng ting-koo-ki

｜ 釘輸的人就照規矩　不通擱佮伊膏膏纏

釘輸的人就照規矩 毋通閣佮伊膏膏纏

tìng su ê lâng tiō tsiàu kui-kí, m̄-thang koh kah i ko-ko-tînn

｜ 阮兜的巷仔口有一個檳榔攤

阮兜的巷仔口有一个檳榔擔

gún tau ê hāng-á-kháu ū tsi̍t-ê pin-nn̂g-tànn

｜ 賣檳榔的姑娘仔有真濟人列把

賣檳榔的姑娘仔有真濟人咧奅

buē pin-nn̂g ê koo-niû-á ū tsin tsuē lâng leh phānn

｜ 亦有穿西服亦有大尾鱸鰻　伊是看都無愛看

也有穿西裝也有大尾鱸鰻 伊是看都無愛看

iā ū tshīng se-tsong iā ū tuā-bué lôo-muâ, i sī khuànn to bô-ài khuànn

｜ 阮兜的巷仔口有一個檳榔攤

阮兜的巷仔口有一个檳榔擔

gún tau ê hāng-á-kháu ū tsi̍t-ê pin-nn̂g-tànn

｜ 阮這的管區定定攏來加趕

阮遮的管區的定定攏來共趕

gún tsia-ê kuán-khu--ê tiānn-tiānn lóng lâi kā kuánn

｜ 厝邊頭尾大家隴走出來看　伊驚駕大粒細粒汗

厝邊頭尾逐家攏走出來看 伊驚甲大粒細粒汗

tshù-pinn-thâu-bé ta̍k-ke lóng tsáu tshut-lâi khuànn, i kiann kah tuā-lia̍p-sè-lia̍p kuānn

｜ 伊是大家的好厝邊伊是善良的老百姓

伊是逐家的好厝邊 伊是善良的老百姓

i sī ta̍k-ke ê hó tshù-pinn, i sī siān-liông ê lāu-peh-sìnn

｜ 管區仔手叉你就愛舉高

管區的手梳你著愛攑懸

kuán-khu--ê tshiú-se lí tio̍h-ài gia̍h-kuân

｜ 不通擱叫伊擱操煩　你不通擱再加為難

毋通閣叫伊閣操煩 你毋通閣再共為難

m̄-thang koh kiò i koh tshau-huân, lí m̄-thang koh-tsài kā uî-lân

↓↓---(口白)---↓↓

.

｜ (O.S)伊講伊畢業了後出外來趁錢

伊講伊畢業了後 出外來趁錢

i kóng i pit-gia̍p liáu-āu, tshut-guā lâi thàn-tsînn

｜ 厝內擱有老爸老母愛靠伊養飼

厝內閣有老爸老母 愛靠伊養飼

tshù-lāi koh ū lāu-pē lāu-bú, ài khò i iúnn-tshī

｜ 大公司人無愛佇小工廠伊不願去

大公司人無愛倩 小工廠伊毋願去

tuā kong-si lâng bô-ài tshiànn, sió kang-tshiúnn i m̄-guān khì

｜ 粗重工作做未起　墜落煙花無願意

粗重工課做袂起 墜落煙花無願意

tshoo-tāng khang-khuè tsuè buē-khí, tuī-lo̍h ian-hua bô guān-ì

↑↑---(口白)---↑↑

.

｜ 阮兜的巷仔口有一個檳榔攤

阮兜的巷仔口有一个檳榔擔

gún tau ê hāng-á-kháu ū tsi̍t-ê pin-nn̂g-tànn

｜ 賣檳榔的姑娘仔今嘛是真出名

賣檳榔的姑娘仔這馬是真出名

buē pin-nn̂g ê koo-niû-á tsit-má sī tsin tshut-miâ

｜ 汝若欲買檳榔你就一定愛來這　哺了你就知鹹淡

你若欲買檳榔 著一定愛來遮 哺了你就知鹹汫

lí nā beh bué pin-nn̂g, tio̍h it-tīng ài lâi tsia, pōo liáu lí tiō tsai kiâm-tsiánn

｜ 伊的紅灰是甘擱甜　伊的菁仔是上幼齒

伊的紅灰是甘閣甜 伊的菁仔是上幼齒

i ê âng-hue sī kam koh tinn, i ê tshinn-á sī siōng iù-khí

｜ 你若來買檳榔擱送你'打火機'

你若來買檳榔閣送你打火機

lí nā lâi bué pin-nn̂g koh sàng lí dǎhuǒjī

｜ 大家攏叫伊是檳榔的西施

逐家攏叫伊是檳榔的西施

ta̍k-ke lóng kiò i sī pin-nn̂g ê se-si