│五月鑼鼓響遍天 阮要看龍船行河邊

五月鑼鼓響遍天 阮欲看龍船行河邊

gōo-ge̍h lô-kóo hiáng piàn-thinn, gún beh khuànn lîng-tsûn kiânn hô-pinn

│家家戶戶插榕枝 賣食肉粽愛買蓮子

家家戶戶插榕枝 欲食肉粽愛買蓮子

ke-ke-hōo-hōo tshah tshîng-ki, beh tsia̍h bah-tsàng ài bué liân-tsí

│五月鑼鼓響半天 阮要看龍船行河邊

五月鑼鼓響半天 阮欲看龍船行河邊

gōo-ge̍h lô-kóo hiáng puànn-thinn, gún beh khuànn lîng-tsûn kiânn hô-pinn

│人講塗牛嫂佇河邊 排一擔擔仔塊賣胭脂

人講塗牛嫂仔佇河邊 排一擔擔仔咧賣胭脂

lâng kóng Thôo-gû-só--á tī hô-pinn, pâi tsi̍t-tànn tànn-á bē ian-tsi

│塗牛嫂阿 今日生意好某

塗牛嫂仔 今仔日生理好無

Thôo-gû-só--á, kin-á-ji̍t sing-lí hó--bô

│

.

.

│炮聲響 龍船行

炮聲響 龍船行

phàu-siann hiáng, lîng-tsûn kiânn

│鑼鼓若響風浪會驚

鑼鼓若響風浪會驚

lô-kóo nā hiáng hong-lōng ē kiann

│鯽仔魚講伊無塊宓 因為龍船ㄌㄟ搶紅旗

鯽仔魚講伊無地覕 因為龍船咧搶紅旗

tsit-á-hî kóng i bô-tè bih, in-uī lîng-tsûn teh tshiúnn âng-kî

│炮聲響 龍船行

炮聲響 龍船行

phàu-siann hiáng, lîng-tsûn kiânn

│鑼鼓若響風浪會驚

鑼鼓若響風浪會驚

lô-kóo nā hiáng hong-lōng ē kiann

│鯽仔魚講伊無塊宓 因為龍船ㄌㄟ搶紅旗

鯽仔魚講伊無地覕 因為龍船咧搶紅旗

tsit-á-hî kóng i bô-tè bih, in-uī lîng-tsûn teh tshiúnn âng-kî

│ㄟ 來企看龍船喔

欸~來去看龍船喔

eh~ lâi-khì khuànn lîng-tsûn--ooh

│

.

.

│五月鑼鼓響半天 家家戶戶慶團圓

五月鑼鼓響半天 家家戶戶慶團圓

gōo-ge̍h lô-kóo hiáng puànn-thinn, ke-ke-hōo-hōo khìng thuân-înn

│算來算去是小過年 煎芋粿ㄎ一ㄠ來殺戇豬

算來算去是小過年 煎芋粿曲 來刣戇豬

sǹg lâi sǹg khì sī sió-kuè-nî, tsian ōo-ké-khiau, lâi thâi gōng-ti

│慶端陽 龍船行

慶端陽 龍船行

khìng tuan-iông, lîng-tsûn kiânn

│買一罐燒酒款行親情 掔肉粽是飼溪魚

買一罐燒酒款待親情 掔肉粽是飼溪魚

bé tsi̍t-kuàn sio-tsiú khuán-thāi tshin-tsiânn, khian bah-tsàng sī tshī khue-hî

│拜託汝勿食屈原屍

拜託你莫食屈原屍

pài-thok lí mài tsia̍h Khut-guân si

│

.

.

│五月端陽 龍船開行

五月端陽 龍船開行

gōo-gue̍h Tuan-iông, liông-tsûn khui-kiânn

│辦稍一桌青操 來款親情

辦小仔腥臊 來請親情

pān sió-á tshe-tshau, lâi tshiánn tshin-tsiânn

│包肉粽 來紀念他

包肉粽 來紀念伊

pau bah-tsàng lâi kì-liām i

│屈原來甘願死

屈原來甘願死

Khut-guân lâi kam-guān sí

│掔肉粽是飼溪魚 拜託汝勿食屈原屍

掔肉粽是飼溪魚 拜託你莫食屈原屍

khian bah-tsàng sī tshī khe-hî, pài-thok lí mài tsia̍h Khut-guân si