│咱若是心頭結歸裘　著來飲酒濕一咧濕一咧　外好汝甘知(好啦)

咱若是心頭結規毬 就來啉酒 溼一下溼一下 偌好你敢知（好啦)

Lán nā-sī sim-thâu kiat-kui-khiû，tio̍h lâi lim tsiú sip tsi̍t leh sip tsit leh guā hó lí kám tsai （hó lah）

│有人飲酒假紳士　有人飲酒脫霓舞

有人啉酒假紳士, 有人啉酒脫衣舞

ū-lâng lim-tsiú ké sin-sū, ū-lâng lim-tsiú thuat-ní-bú

│有人飲酒愛唱歌　我若飲酒話著一大攤　有人飲酒面絿絿　有人飲酒撚嘴鬚

有人啉酒愛唱歌, 我若啉酒話就一大攤, 有人啉酒面虯虯, 有人啉酒撚喙鬚

ū-lâng lim-tsiú ài tshiùnn-kua, guá ná lim-tsiú uē tio̍h tsi̍t-tuā-thuann, ū-lâng lim-tsiú bīn-khiû-khiû, ū-lâng lim-tsiú liàm-tshuì-tshiu

│有人喝酒撚鬍鬚　有人飲酒搥心肝　我若飲酒尚愛招酒伴(哈麥)

有人啉酒捶心肝, 我若啉酒上愛招酒伴(哈麥)

ū-lâng lim-tsiú tuî sim-kuann, guá ná lim-tsiú siōng-ài tsio tsiú-phuān(ha be̍h)

│人生親像一盤棋　成功失敗思雙枝(甘拜　殺鹿　氣予死　乾杯)

人生親像一盤棋, 成功失敗思雙枝()

Jîn-sing tshinn-tshiūnn tsi̍t puânn kî, siânn-kong sit-pāi su siang-ki(kam pài, thâi lo̍k, khì honnh sí, kan-pue)

│出入江湖講身不由己　風度永遠愛保持

出入江湖講身不由己, 風度永遠愛保持 酒量若有呀上得意 但是酒品呀緟要緊

Tshut-ji̍p kang-hôo kóng sin-put-iû-kí, hong-tōo íng-uán ài pó-tshî, tsiú-liōng nā ū sī siōng tit-ì, tān-sī tsiú-phín ah thōng-iau-kín

│若欲臭彈歕雞規　請汝趕緊趁酒醉

若欲臭彈歕雞胿, 請你趕緊趁酒醉

Nā-beh tshàu-tuânn pûn-ke-kui, tshiánn jú kuánn-kín thàn tsiú-tsuì

│飲落去　飲落去　毋倘漏氣　醉落去　醉落去　逐家歡喜

啉落去 啉落去 毋通落氣, 醉落去 醉落去 逐家歡喜

Lim lueh, lim lueh, m̄-thang lāu-khuì, tsuì lueh, tsuì lueh, ta̍k-ke huan-hí

│咱若是心情咧憂愁　著來飲予馬西馬西　毋通胡白想(好咧)

咱若是心情咧憂愁, 就來啉予馬西馬西, 毋通烏白想(好咧)

Lán ná-sī sim-tsîng teh iu-tshiû, tio̍h-lâi lim hōo má-se-má-se, m̄-thang oo-pe̍h-siūnn (hó--leh)

│不要想太多　來來來　我的朋友好兄弟(尤伊　油伊　游揖)

來來來 我的朋友好兄弟(喲伊 喲伊 喲伊)

Lâi lâi lâi, guá ê pîng-iú hó-hiann-tī (iō-i iō-i iō-i)

│燒酒著給飲落去　毋倘飼金魚(好啦　好啦)

燒酒就共啉落去 毋通飼金魚(好啦 好啦)

Sio-tsiú tio̍h kā lim lōo khì, m̄-thang tshī kim-hî (hó--lah, hó--lah)

│請逐家燒酒繼續斟(縮咧)

請逐家燒酒繼續斟(挲咧)

Tshiánn ta̍k-ke sio-tsiú kè-sio̍k thîn (so-leh)

│給伊斟予伊(表面張力)外好汝甘知(嗦淚　縮淚)

共伊斟予伊"表面張力"偌好你敢知(挲咧 挲咧)

Hōo i thîn hōo i ""表面張力" guā-hó lí kam-tsai (so--leh, so--leh)

│哈麥咱若是心頭結歸裘　著來飲酒濕一咧濕一咧　外好汝甘知(知啦)

(哈麥)咱若是心頭結規毬, 就來啉酒溼一下溼一下, 偌好你敢知(知啦)

(hah be̍h) Lán ná sī sim-thâu kiat-kui-khiû, tio̍h lâi lim tsiú sip tsi̍t leh sip tsi̍t leh (guā-hó lí kam tsai (tsai--lah)

│彼落阿土阿草仔出世作酒蟲　無代無誌嘛會找孔縫

彼落阿土阿草仔出世做酒蟲, 無代無誌嘛會揣空縫

Hit lōo A-thóo A-tsháu-á tshut sì tsuè tsiú thâng, bô-tāi-bô-tsì mā ê tshuē khang-phāng

│無事幹也會找花樣　阿仁阿義仔干哪一杯落腹　紅關公著走出來弄

阿仁阿義仔干焦一杯落腹　紅關公就會走出來弄

A-jîn A-gī-á ka-nā tsi̍t pue lōo bak, âng kuan-kong tio̍h tsáu tshut lâi lāng

│杯底毋倘飼蟾蜍　杯底毋倘種蕃薯

杯底毋通飼螿蜍 杯底毋通種蕃薯

Pue-té m̄-thang tshī tsiunn-tsî, pue-té m̄-thang tsìng han-tsî

│杯底毋倘飼紅蟳　杯底毋倘娶細姨

杯底毋通飼紅蠘 杯底毋通娶細姨

Pue-té m̄-thang tshī âng-tsîm pue-té m̄-thang tshuā sè-î

│人講酒醉嘛心頭定　毋倘藉口欲賈人車拼

人講酒醉嘛心頭定 毋通借口欲佮人捙拚

Lâng kóng tsiú-tsuì mā sim-thâu tīng, m̄-thang tsioh-kháu beh kah lâng tshia-piànn

│飲酒尚驚敖牽拖　暈暈相掙講毋知疼

啉酒上驚𠢕牽拖 戇戇相舂講毋知疼

Lim-tsiú siōng-kiann gâu khan-thua, gông-gông sio-tsing kóng m̄-tsai thiànn

│人生永遠是向前行　飲啦　飲啦　免著驚

人生永遠是向前行 啉啦 啉啦 免著驚

Jîn-sinn íng-uán sī hiòng-tsîng-kiânn, lim--lah, lim-lah, bián-tio̍h-kiann

│面子暫時免論輸贏　剖復交陪朋友成(哈麥)

面子暫時免論輸贏 破腹交陪朋友情(哈麥)

Bīn-tsú tsiām-sî bián lūn su-iânn, phuà-bak kau-puê pîng-iú tshiânn (ha-be̍h)

│講著飲酒　我攏無步　講著食燻　我火著著

講著啉酒 我攏無步 講著食薰 我火就著

Kóng-tio̍h lim-tsiú, guá lóng bô-pōo, kóng-tio̍h tsia̍h-hun, guá hué-tio̍h-to̍h

│講著檳榔　我著吐血　講著賭筊　我著會氣

講著檳榔 我就吐血 講著跋筊 我就會氣

Kóng-tio̍h pin-nn̂g, guá tio̍h thòo-hueh, kóng-tio̍h pua̍h-kiáu, guá tio̍h ē khì

│若閣欲臭彈歕雞規　請汝趕緊趁酒醉

若閣欲臭彈歕雞胿 請你趕緊趁酒醉

Ná-koh beh tshàu-tuānn pûn-ke-kui, tshiánn lí kuánn-kín thàn tsiú-tsuì

│飲落去　飲落去　毋倘漏氣　醉落去　醉落去　逐家歡喜

啉落去 啉落去 毋通落氣 醉落去 醉落去 逐家歡喜

Lim lueh, lim lueh, m̄-thang làu-khuì, tsuì lueh tsuì lueh, ta̍k-ke huan-hí

│咱若是心頭結歸裘　著來飲酒濕一咧濕一咧　外好汝甘知(知啦)

咱若是心頭結規球 就來啉酒溼一下溼一下 偌好你敢知(知啦)

Lán nā-sī sim-thâu kiat-kui-khiû, tio̍h lâi lim-tsiú sip tsi̍t leh sip tsi̍t leh, guā-hó lí kam-tsai (tsai-lah)

│我咧外爽汝甘知 (知啦)我咧外贊汝甘知(知啦)

我咧偌爽你敢知(知啦)我咧偌讚你敢知(知啦)

Guá leh guā-sóng lí kam tsai (tsai lah) guá leh guā tsán lí kam tsai (tsai-lah)

│我咧外好汝甘知 (搭搭答搭瘩)

我咧偌好你敢知(哆哆哆哆哆 爽)

Guá leh guā-hó lí kam tsai(to to to to to, sóng)