│繞來繞去騎　阮的腳踏車　等待你下課　陪你每天作陣行

踅來踅去　騎阮的跤踏車　等待你下課　陪你每工做陣行

Se̍h lâi se̍h khì, khiâ gún ê kha-ta̍h-tshia. Tán-thāi lí hā-khò, puê lí muí-kang tsuè-tīn kiânn.

│輕輕心內話　伴著車輪腳踏聲　阮的希望攏寄直暇

輕輕心內話　伴著車輪跤踏聲　阮的希望攏寄佇遐

Khin-khin sim-lāi uē, phuānn tio̍h tshia-lián kha-ta̍h-siann. Gún ê hi-bāng lóng kià tī hia.

│樹頂的鳥仔　不時來偷聽　聽咱談戀愛　快樂約會的心晟

樹頂的鳥仔　不時來偷聽　聽咱談戀愛　快樂約會心情

Tshiū tíng ê tsiáu-á put-sî lâi thau-thiann. Thiann lán tâm luân-ài, khuài-lo̍k iok-huē sim-tsiânn.

│阮的純情夢　為你每天坑直這　歡歡喜喜陪你作陣行

阮的純情夢　為你每工囥佇遮　歡歡喜喜陪你做陣行

Gún ê sûn-tsîng bāng, uī lí muí-kang khǹg tī tsia. Huan-huan-hí-hí puê lí tsuè-tīn kiânn.

│繞啊繞啊繞　繞著咱的愛　踏啊踏啊踏　踏著青春甲期待

踅啊踅啊踅　踅著咱的愛　踏啊踏啊踏　踏著青春佮期待

Se̍h--ah se̍h--ah se̍h, se̍h tio̍h lán ê ài. Ta̍h--ah ta̍h--ah ta̍h, ta̍h tio̍h tshing-tshun kah kî-thāi.

│甜蜜的滋味　摻著咱的愛　阮的永遠　坑在心內

甜蜜的滋味　摻著咱的愛　阮會永遠　囥在心內

Tinn-bi̍t ê tsu-bī, tsham tio̍h lán ê ài. Gún ē íng-uán, khǹg tsāi sim-lāi.