│是不是你咱已經踏入感情的墜落

是毋是你咱已經踏入感情的墜落

sī-m̄-sī lí lán í-king ta̍h-ji̍p kám-tsîng ê tuī-lo̍h

│若無為何你會來對我比別人較好

若無為何你會來對我比別人較好

nā-bô uī-hô lí ē lâi tuì guá pí pa̍t-lâng khah hó

│心情親像一群失去方向的烏雲

心情親像一群失去方向的烏雲

sim-tsîng tshin-tshiūnn tsi̍t-kûn sit-khì hong-hiòng ê oo-hûn

│強欲下雨擱驚吹到海上的帆船

強欲落雨閣驚吹著海上的帆船

kiōng-beh lo̍h-hōo koh kiann tshue tio̍h hái-siōng ê phâng-tsûn

│

.

.

│不是阮不要承認這段甜蜜的戀情

毋是阮無愛承認這段甜蜜的戀情

m̄-sī gún bô-ài sîng-jīn tsit tuānn tinn-bi̍t ê luân-tsîng

│我嘛知影你對我是真正搏感情

我嘛知影你對我是真正跋感情

guá mā tsai-iánn lí tuì guá sī tsin-tsiànn pua̍h-kám-tsîng

│每一句你的情話 加添心肝的難過

每一句你的情話 加添心肝的難過

muí tsi̍t-kù lí ê tsîng-uē, ka-thiam sim-kuann ê lân-kuè

│不知要按怎對你講 無緣擱再相會

毋知欲按怎對你講 無緣閣再相會

m̄-tsai beh án-tsuánn tuì lí kóng, bô-iân koh-tsài siong-huē

│

.

.

│因為我要來離開 離開這個都市

因為我欲來離開 離開這个都市

in-uī guá beh lâi lī-khui, lī-khui tsit ê too-tshī

│因為我不願提起 阮悲傷的過去

因為我毋願提起 阮悲傷的過去

in-uī guá m̄-guān thê-khí, gún pi-siong ê kuè-khì

│因為你不知影 不知道阮的心肝

因為你毋知影 毋知道阮的心肝

in-uī lí m̄ tsai-iánn, m̄ tsai-iánn gún ê sim-kuann

│受過著感情的風寒

受過著感情的風寒

siū kuè tio̍h kám-tsîng ê hong-hân