│雲從山的那邊飄落來

雲對山的彼爿飄落來

hûn tuì suann ê hit pîng phiau--lo̍h-lâi

│暗暗的白遮著山的目眉

暗暗的白遮著山的目眉

àm-àm ê pe̍h jia tio̍h suann ê ba̍k-bâi

│無心的目屎強欲滴落來

無心的目屎強欲滴落來

bô-sim ê ba̍k-sái kiōng-beh tih--lo̍h-lâi

│閒閒的風那攏不知

閒閒的風哪攏毋知

îng-îng ê hong ná lóng m̄-tsai

--

.

.

│你從山的那邊寫信來

你對山的彼爿寫批來

lí tuì suann ê hit pîng siá phue--lâi

│黃黃的紙浮著我的心肝

黃黃的紙𪐞著我的心肝

n̂g-n̂g ê tsuá tòo tio̍h guá ê sim-kuann

│山谷的景色我嘛畫不來

山谷的景色我嘛畫袂來

suann-kok ê kíng-sik guá mā uē buē lâi

│緣份兩字我嘛不瞭解

緣份兩字我嘛袂了解

iân-hūn nn̄g-jī guá mā buē liáu-kái

--

.

.

│風啊風你著吹給伊知

風啊風你著吹予伊知

hong--ah hong lí tio̍h tshue hōo i tsai

│吹著我滿腹的心事和意愛

吹著我滿腹的心事佮意愛

tshue tio̍h guá muá-pak ê sim-sū kah ì-ài

│風啊風你著吹給伊知

風啊風你著吹予伊知

hong--ah hong lí tio̍h tshue hōo i tsai

│講我每日等伊返回來

講我每日等伊倒轉來

kóng guá muí-ji̍t tán i tò-tńg--lâi

--

.

.

│雲從山的那邊飄落來

雲對山的彼爿飄落來

hûn tuì suann ê hit pîng phiau--lo̍h-lâi

│暗暗的白遮著山谷的樹栽

暗暗的白遮著山谷的樹栽

àm-àm ê pe̍h jia tio̍h suann-kok ê tshiū-tsai

│風停雨去相思來

風停雨去相思來

hong thîng ú khì siunn-si lâi

│月落煙起獨徘徊

月落煙起獨徘徊

gue̍h lo̍h ian khí to̍k pâi-huê