│一條線　兩條線　十條線　百條線

一條線、兩條線、十條線、百條線。

Tsi̍t tiâu suànn, nn̄g tiâu suànn, tsa̍p tiâu suànn, pah tiâu suànn.

│傀儡尪仔的運命　條條著靠人來搬

傀儡尪仔的運命，條條著靠人來搬。

Ka-lé-ang-á ê ūn-miā, tiâu-tiâu tio̍h khò lâng lâi puann.

│感情線　生命線　事業線　智慧線

感情線、性命線、事業線、智慧線。

Kám-tsîng suànn, sìnn-miā suànn, sū-gia̍p suànn, tì-huī suànn.

│你和我的運命　敢是雙手拼會贏

你佮我的運命，敢是雙手拚會贏？

Lí kap guá ê ūn-miā, kám sī siang-tshiú piànn ē iânn?

-

-

│傀儡尪仔　傀儡尪仔　咱敢不是傀儡尪仔

傀儡尪仔，傀儡尪仔，咱敢毋是傀儡尪仔？

Ka-lé-ang-á, ka-lé-ang-á, lán kám m̄ sī ka-lé-ang-á?

│悲歡離合難改變　成功失敗無一定

悲歡離合難改變，成功失敗無一定。

Pi-huann lî-ha̍p lân kái-piàn, sîng-kong sit-pāi bô it-tīng.

│所有的代誌　所有的心情　攏總有幾條線　牽連著咱的一生

所有的代誌，所有的心情，攏總有幾條線？牽連著咱的一生。

Sóo-ū ê tāi-tsì, sóo-ū ê sim-tsîng, lóng-tsóng ū kuí tiâu suànn? Khan-liân tio̍h lán ê it-sing.