｜是按怎阿花和阿嬌　攏無佳意我　

是按怎阿花佮阿嬌 攏無佮意我

sī-án-tsuánn A-hue kah A-kiau, lóng bô kah-ì guá

｜我撇車技術一流　無人和我軋

我平車技術一流 無人佮我較

guá phênn-tshia ki-su̍t it-liû, bô-lâng kah guá kà

｜是按怎學校的老師　攏無疼痛我　

是按怎學校的老師 攏無疼痛我

sī-án-tsuánn ha̍k-hāu ê lāu-su, lóng bô thiànn-thàng guá

｜是不是ABCD看無　卡憨就攏免教

是毋是ABCD看無 較戇 就攏免教

sī-m̄-sī ABCD khuànn-bô, khah gōng, tō lóng bián kà

｜老爸老母歸工底罵　喋喋喋唸無知唸啥

老爸老母 規工咧罵 踅踅踅唸 毋知唸啥

lāu-pē lāu-bú, kui-kang leh mā, se̍h-se̍h-se̍h-liām, m̄-tsai liām siánn

｜是按怎哪會按呢　

是按怎哪會按呢

sī-án-tsuánn ná ē án-ne

｜身邊的問題一攤　

身邊的問題一攤

sin-pinn ê būn-tê tsi̍t-thuann

｜這時陣上好作陣來去軋車

這時陣 上好做陣來去較車

tsit sî-tsūn, siōng-hó tsuè-tīn lâi-khì kà-tshia

.

.

｜作陣來軋車　作陣來軋車　

做陣來較車 做陣來較車

tsuè-tīn lâi kà-tshia, tsuè-tīn lâi kà-tshia

｜毋管伊警察底抓　毋管伊父母底罵

毋管伊警察咧掠 毋管伊爸母咧罵

m̄-kuán i kíng-tshat leh lia̍h, m̄-kuán i pē-bú leh mā

｜只要我引擎催落　無人可當甲我軋　

只要我ia̋n-jín催落去, 無人會當佮我較

tsí-iàu guá ia̋n-jín tshui--lueh, bô-lâng ē-tàng kah guá kà

｜在這我最快　最ㄆㄚ　最大

佇遮我上緊 上奅 上大

tī tsia guá siōng kín, siōng phānn, siōng tuā

.

.

｜是按怎今日觀眾攏底打拍仔　

是按怎今仔日觀眾 攏咧拍噗仔

sī-án-tsuánn kin-á-ji̍t kuan-tsiòng, lóng leh phah-pho̍k-á

｜逐家看我一個親像Super Star

逐家看我一个 若像Super Star

ta̍k-ke khuànn guá tsi̍t-ê, ná-tshiūnn Super Star

｜La La La　La La La La La La La　

啦啦啦 啦啦啦啦啦啦啦

lah lah lah lah lah lah lah lah lah lah

｜愈騎愈快愈爽我想欲唱歌

愈騎愈緊愈爽 我想欲唱歌

jú khiâ jú kín jú sóng, guá siūnn-beh tshiùnn-kua

｜頭腦底飛　身軀底顫　

頭腦咧飛 身軀咧掣

thâu-náu leh pue, sin-khu leh tshuah

｜風底吹我　心底流汗

風咧吹 我心咧流汗

hong leh tshue, guá sim leh lâu-kuānn

｜是按怎那會這爽　

是按怎哪會遮爽

sī-án-tsuánn ná ē tsiah sóng

｜要瞭解我的感覺　

欲了解我的感覺

beh liáu-kái guá ê kám-kak

｜這時陣上好作陣來去軋車

這時陣 上好做陣來去較車

tsit sî-tsūn, siōng-hó tsuè-tīn lâi-khì kà-tshia