｜志明真正不知要按怎　

志明真正毋知欲按怎

Tsì-bîng tsin-tsiànn m̄-tsai beh án-tsuánn

｜為什麼　愛人不願閣再相偎

為啥物 愛人毋願閣再相倚

uī-siánn-mi̍h, ài-jîn m̄-guān koh-tsài sio-uá

｜春嬌已經早就無在聽　

春嬌已經早就無咧聽

Tshun-kiau í-king tsá tiō bô teh thiann

｜講這多　其實攏總攏無卡抓

講遮濟 其實攏總 攏無較縒

kóng tsiah tsē, kî-si̍t lóng-tsóng, lóng bô-khah-tsua̍h

.

.

｜走到淡水的海岸　兩個人的愛情

行到淡水海岸 兩个人的愛情

kiânn kàu Tām-tsuí hái-huānn, nn̄g ê lâng ê ài-tsîng

｜已經無人看　已經無人聽　啊

已經無人看 已經無人聽 啊哈

í-king bô-lâng khuànn, í-king bô-lâng thiann, ah! ha!

.

.

｜我跟你最好就到這　

我佮你上好就到遮

guá kah lí siōng-hó tiō kàu tsia

｜你對我已經沒感覺　

你對我已經無感覺

lí tuì guá í-king bô kám-kak

｜到這凍止　你也免愛我

到遮擋定 你也免愛我

kàu tsia tòng tiānn, lí iā bián ài guá

｜我跟你最好就到這　

我佮你上好就到遮

guá kah lí siōng-hó tiō kàu tsia

｜你對我已經沒感覺　麥閣傷心

你對我已經無感覺 莫閣傷心

lí tuì guá í-king bô kám-kak, mài koh siong-sim

｜麥閣我這愛你　你不愛我

莫閣我遮愛你 你無愛我

mài koh guá tsiah ài lí, lí bô-ài guá

.

.

｜志明心情真正有影寒　

志明心情真正有影寒

Tsì-bîng sim-tsîng tsin-tsiànn ū-iánn kuânn

｜風這大　你也真正攏沒心肝

風遮大 你也真正攏無心肝

hong tsiah tuā, lí iā tsin-tsiànn lóng bô-sim-kuann

｜春嬌你哪無要和我播　這場電影　

春嬌你若無欲和我搬這齣電影

Tshun-kiau lí nā bô beh hām guá puann tsit tshut tiān-iánn

｜咱就走到這位準嘟煞

咱就行到這位準拄煞

lán tiō kiânn kàu tsit uī tsún-tú-suah