｜心為誰人看破　

心為啥人看破

sim uī siánn-lâng khuànn-phuà

｜愛為誰人離岸　

愛為啥人離岸

ài uī siánn-lâng lī huānn

｜情變味散置阮心肝

情變味 散佇阮心肝

tsîng piàn-bī, suànn tī gún sim-kuann

｜想只有安慰阮暫時的心晟　

想只有安慰阮 暫時的心情

siūnn, tsí-ū an-uì gún, tsiām-sî ê sim-tsiânn

｜苦吞落只有我知影

苦吞落 只有我知影

khóo thun--lo̍h, tsí-ū guá tsai-iánn

｜想欲平平靜靜過著一個人生活　

想欲平平靜靜 過著一个人生活

siūnn-beh pîng-pîng tsīng-tsīng, kuè tio̍h tsi̍t-ê-lâng sing-ua̍h

｜思念放乎乾　

思念放予焦

su-liām pàng hōo ta

｜感情無算啥

感情無算啥

kám-tsîng bô sǹg siánn

｜偏偏苦苦澀澀的夢傷阮每一夜　

偏偏苦苦澀澀的夢 傷阮每一夜

phian-phian khóo-khóo siap-siap ê bāng, siong gún muí tsi̍t-iā

｜放袂開的我　恨家己為情來拖磨

放袂開的我 恨家己為情來拖磨

pàng buē khui ê guá, hūn ka-kī uī tsîng lâi thua-buâ

.

.

｜切心的人是我猶原停在愛你彼一天　

慼心的人 是我猶原停在 愛你彼一工

tsheh-sim ê lâng, sī guá iu-guân thîng tsāi ài lí hit tsi̍t-kang

｜心雖然怨嘆　一時軟心不願放

心雖然怨嘆 一時軟心毋願放

sim sui-jiân uàn-thàn, tsi̍t-sî nńg-sim m̄-guān pàng

｜切心的人是我猶原停在傷心彼一天　

慼心的人 是我猶原停在 傷心彼一工

tsheh-sim ê lâng, sī guá iu-guân thîng tsāi siong-sim hit tsi̍t-kang

｜怎樣會不甘　只有你知阮是愛妳的人

怎樣會毋甘 只有你知 阮是愛你的人

tsuánn-iūnn ē m̄-kam, tsí-ū lí tsai, gún sī ài lí ê lâng