｜冷淡的光線　哀怨的歌聲

冷淡的光線 哀怨的歌聲

líng-tām ê kng-suànn, ai-uàn ê kua-siann

｜飲酒的人無心晟

啉酒的人無心情

lim-tsiú ê lâng bô-sim-tsiânn

｜世間的繁華　親像夢一攤

世間的繁華 親像夢一攤

sè-kan ê huân-huâ, tshin-tshiūnn bāng tsi̍t thuann

｜也是無較詛

也是無較縒

iā-sī bô-khah-tsua̍h

｜暗淡酒店內　悲傷誰人知

暗淡酒店內 悲傷啥人知

àm-tām tsiú-tiàm-lāi, pi-siong siánn-lâng tsai

｜痛苦吞腹內

痛苦吞腹內

thòng-khóo thun pak-lāi

｜一杯擱再來　你若有瞭解

一杯閣再來 你若有了解

tsi̍t pue koh-tsài lâi, lí nā ū liáu-kái

｜甭問阮對叨位來

莫問阮對佗位來

mài mn̄g gún tuì tó-uī lâi

.

.

｜不願講出來　鬱卒放心內

毋願講出來 鬱卒囥心內

m̄-guān kóng tshut-lâi, ut-tsut khǹg sim-lāi

｜感情失落的無奈

感情失落的無奈

kám-tsîng sit-lo̍h ê bô-nāi

｜苦苦塊等待　還是等無愛

苦苦咧等待 也是等無愛

khóo-khóo teh tán-thāi, iā-sī tán bô ài

｜虛情的對待

虛情的對待

hi-tsîng ê tuì-thāi

｜多情的世界　找無真情愛

多情的世界 揣無真情愛

to-tsîng ê sè-kài, tshuē-bô tsin tsîng-ài

｜引阮心悲哀

引阮心悲哀

ín gún sim pi-ai

｜有愛也罷　無愛嘛快活

有愛也罷 無愛嘛快活

ū ài iā pā, bô ài mā khuìnn-ua̍h

｜今夜伴阮是孤單

今夜伴阮是孤單

kim-iā phuānn gún sī koo-tuann