│港邊的雨 渥佇行嚮往事的路上

港邊的雨 沃佇行向往事的路上

Káng-pinn ê hōo，ak tī kiânn hiòng óng-sū ê lōo siōng

│海風的歌 獻唱著昨暝打狗的豪夾

海風的歌 獻唱著昨暝打狗的豪爽

Hái-hong ê kua，hiàn-tshiùnn tio̍h tsa-mî Tá-káu ê hô-sóng

│心愛的人 若講起初戀時的種種

心愛的人 若講起初戀時的種種

Sim-ài ê lâng，nā kóng-khí tshoo-luân sî ê tsióng-tsióng

│美麗的笑容 就親像紅紅的鳳凰

美麗的笑容 就親像紅紅的鳳凰

Bí-lē ê tshiò-iông，tō tshin-tshiūnn âng-âng ê hōng-hông

--

:

:

│溫柔的風 伊是載著溫暖的流籠

溫柔的風 伊是載著溫暖的流籠

Un-jiû ê hong，i sī tsài tio̍h un-luán ê liû-lông

│吹過城市 吹入燈光閃熠的走廊

吹過城市 吹入燈光閃爍的走廊

tshue kuè siânn-tshī tshue ji̍p ting-kong siám-sih ê tsáu-lông

│唱歌的人 獻唱著未來的願望

唱歌的人 獻唱著未來的願望

Tshiùnn-kua ê lâng，Hiàn-tshiùnn tio̍h bī-lâi ê guān-bōng

│流浪的海鳥 上愛轉來咱故鄉

流浪的海鳥 上愛轉來咱故鄉

Liû-lōng ê hái-tsiáu，siōng ài tńg--lâi lán kòo-hiong

--

:

:

│一心萬眾是故鄉 二聖文武真英雄

一心萬眾是故鄉 二聖文武真英雄

It-sim bān-tsiòng sī kòo-hiong，Jī-sìn bûn-bú tsin in-hiông

│三多福壽添興旺 四維紀綱照平常

三多福壽添興旺 四維紀綱照平常

Sam-to hok-siū thiam hing-ōng，Sù-uî kì-kong tsiàu pîng-siông

│五福好命蔭四方 六合天地好氣象

五福好命蔭四方 六合天地好氣象

Ngóo-hok hó-miā ìm sù-hong，Lio̍k-ha̍p thinn-tē hó khì-siōng

│七賢傲人展笑容 八德修行心善良

七賢傲人展笑容 八德修行心善良

Tshit-hiân ngōo-lâng tián tshiò-iông，Pat-tik siu-hīng sim siān-liông

│九如祝福恁大家好 十全十美在高雄

九如祝福恁逐家好 十全十美在高雄

Kiú-lû tsiok-hok lín ta̍k-ke hó， Si̍p-tsuân si̍p-bí tsāi Ko-hiông

--

:

:

│高雄啊高雄你是好所在 愛河的河水 溫暖著咱的未來

高雄啊高雄你是好所在 愛河的河水 溫暖著咱的未來

Ko-hiông ah Ko-hiông lí sī hó sóo-tsāi，Ài-hô ê hô-tsuí，un-luán tio̍h lán ê bī-lâi

│高雄啊高雄你是好所在 西仔彎的月娘 少年的談情說愛

高雄啊高雄你是好所在 西子灣的月娘 少年的談情說愛

Ko-hiông ah Ko-hiông lí sī hó sóo-tsāi，Se-á-uân ê gue̍h-niû，siàu-liân-ê tâm-tsîng-suè-ài

--

:

:

│高雄啊高雄你是好所在 愛河的河水 溫暖著咱的未來

高雄啊高雄你是好所在 愛河的河水 溫暖著咱的未來

Ko-hiông ah Ko-hiông lí sī hó sóo-tsāi，Ài-hô ê hô-tsuí，un-luán tio̍h lán ê bī-lâi

│高雄啊高雄你是好所在 西仔彎的月娘 少年的談情說愛

高雄啊高雄你是好所在 西子灣的月娘 少年的談情說愛

Ko-hiông ah Ko-hiông lí sī hó sóo-tsāi, Se-á-uân ê gue̍h-niû, siàu-liân-ê tâm-tsîng-suè-ài