│少年佮時間比賽 血內底乾焦有燒滾滾的愛

少年佮時間比賽 血內底干焦有燒滾滾的愛

siàu-liân kah sî-kan pí-sài, hueh lāi-té kan-na ū sio-kún-kún ê ài

│夢裡的月娘舞跳煞 日頭伊偷偷走出來

夢裡的月娘舞跳煞 日頭伊偷偷走出來

bāng--lìn ê ge̍h-niû bú thiàu suah, ji̍t-thâu i thau-thau tsáu--tshut-lâi

--

.

.

│日子咧笑 日子咧哭

日子咧笑 日子咧哭

ji̍t-tsí leh tshiò, ji̍t-tsí leh khàu

│日子咧行 日子咧睏中晝

日子咧行 日子咧睏中晝

ji̍t-tsí leh kiânn, ji̍t-tsí leh khùn tiong-tàu

│日子咧畫 日子咧飛

日子咧畫 日子咧飛

ji̍t-tsí leh uē, ji̍t-tsí leh pue

│日子咧等 日子佇老城內底講笑詼

日子咧等 日子佇老城內底講笑詼

ji̍t-tsí leh tán, ji̍t-tsí tī lāu-siânn lāi-té kóng-tshiò-khue

--

.

.

│若毋是行過彼條若詩的路 敢有美麗的記持

若毋是行著這條若詩的路 敢有美麗的記持

nā-m̄-sī kiânn tio̍h tsit tiâu ná si ê lōo, kám ū bí-lē ê kì-tî

│歌招昨日 一句一絲 綿綿 綿綿

歌招昨日 一句一絲 綿綿 綿綿

kua tsio tsa-ji̍t, tsi̍t-kù tsi̍t-si, mî-mî, mî-mî

--

.

.

│日子有聲 日子有影

日子有聲 日子有影

ji̍t-tsí ū siann, ji̍t-tsí ū iánn

│日子有戲 日子有啥人咧看

日子有戲 日子有啥人咧看

ji̍t-tsí ū hì, ji̍t-tsí ū siánn-lâng leh khuànn

│日子有甜 日子有鹹

日子有甜 日子有鹹

ji̍t-tsí ū tinn, ji̍t-tsí ū kiâm

│日子有痕 日子伊划一隻船

日子有痕 日子伊划一隻船

ji̍t-tsí ū hûn, ji̍t-tsí i kò tsi̍t-tsiah tsûn

│毋知海偌遠

毋知海偌遠

m̄-tsai hái guā hn̄g

--

.

.

│少年佮時間比賽

少年佮時間比賽

siàu-liân kah sî-kan pí-sài

│血內底乾焦有燒滾滾的愛

血內底干焦有燒滾滾的愛

hueh lāi-té kan-na ū sio-kún-kún ê ài