│一暝一寸阮的查某囝 毋通踢被毋通受風寒

一暝一寸阮的查某囝 毋通踢被毋通受風寒

tsi̍t-mî tsi̍t-tshùn gún ê tsa-bóo-kiánn, m̄-thang that-phuē m̄-thang siū hong-kuânn

│明仔載好天咱著四界行行 穿你彼領新衫

明仔載好天咱著四界行行 穿你彼領新衫

mâ-á-tsài hó-thinn lán tio̍h sì-kè kiânn-kiânn, tshīng lí hit niá sin-sann

│嬰仔嬰嬰惜 莫管日子焉怎搖

嬰仔嬰嬰惜 莫管日子按怎搖

inn--á inn-inn sioh, mài kuán ji̍t-tsí án-tsuánn iô

│你是我的血 我的袂當換的寶 傳成咱的大河

你是我的血 我的袂當換的寶 傳承咱的大河

lí sī guá ê hueh, guá ê buē-tàng uānn ê pó, thuân-sîng lán ê tuā-hô

--

.

.

│貂蟬西施抑是七仙女 佇我心內無人共你比

貂蟬西施抑是七仙女 佇我心內無人佮你比

Tiau-siâm Se-si ia̍h-sī Tshit-sian-lí, tī guá sim-lāi bô-lâng kah lí pí

│你的撒奶抑是你的受氣 攏是我的安慰

你的司奶抑是你的受氣 攏是我的安慰

lí ê sai-nai ia̍h-sī lí ê siūnn-khì, lóng-sī guá ê an-uì

│父母親像天 生成致蔭囝兒

爸母親像天 生成致蔭囝兒

pē-bú tshin-tshiūnn thinn, senn-sîng tì-ìm kiánn-jî

│你著睏予甜 好夢若是被驚醒

你著睏予甜 好夢若是被驚醒

lí tio̍h khùn hōo tinn, hó-bāng nā-sī pī kiann tshínn

│免驚 阿爸佇遮

免驚 阿爸佇遮

bián-kiann, a-pah tī tsia

--

.

.

│一工一工花蕊慢慢大 花若欲開扭嘛扭袂行

一工一工花蕊慢慢大 花若欲開 搝嘛搝袂行

tsi̍t-kang tsi̍t-kang hue-luí bān-bān tuā, hue nā beh khui, giú mā giú buē kiânn

│毋管當時會換啥物人疼 你是我的心肝仔囝

毋管當時會換啥物人疼 你是我的心肝仔囝

m̄-kuán tang-sî ē uānn siánn-mi̍h lâng thiànn, lí sī guá ê sim-kuann-á-kiánn

│望你好名聲 日後有人探聽

望你好名聲 日後有人探聽

bāng lí hó miâ-siann, ji̍t-āu ū-lâng thàm-thiann

│望你無病痛 揣著你幸福的伴 予我安心來行

望你無病疼 揣著你幸福的伴 予我安心來行

bāng lí bô pēnn-thiànn, tshuē-tio̍h lí hīng-hok ê phuānn, hōo guá an-sim lâi kiânn

│望你無病痛 揣著你幸福的伴 予我安心來行

望你無病疼 揣著你幸福的伴 予我安心來行

bāng lí bô pēnn-thiànn, tshuē-tio̍h lí hīng-hok ê phuānn, hōo guá an-sim lâi kiânn