│淡水河邊　千帆水湧

淡水河邊　千帆水湧

Tām-tsuí hô-pinn, tshian phâng tsuí íng

│永樂座搬袂煞　悲歡人生

永樂座搬袂煞　悲歡人生

Íng-lo̍k-tsō puann buē suah, pi-huan jîn-sing

│青春少年　總是多情

青春少年　總是多情

Tshing-tshun siáu-liân, tsóng-sī to tsîng

│五彩的畫筆　畫出時代的光景

五彩的畫筆　畫出時代的光景

Gōo-tshái ê uē-pit, uē-tshut sî-tài ê kong-kíng

-

-

│船螺聲響起了青春的夢

船螺聲響起了青春的夢

Tsûn-lê siann hiáng khí liáu tshing-tshun ê bāng

│大千世界　有人替咱點著一蕊紅

大千世界　有人替咱點著一蕊紅

Tāi-tshian-sè-kài, ū lâng thè lán tiám tio̍h tsi̍t luí âng

│繁華的台北城　流轉西東

繁華的台北城　流轉西東

Huân-huâ ê Tâi-pak siânn, liû-tsuān se-tang

│予滿腹的勇氣　真心的浪漫　繼續作憨人

予滿腹的勇氣　真心的浪漫　繼續做戇人

Hōo muá-bak ê ióng-khì, tsin-sim ê lōng-bān, kè-sio̍k tsuè gōng lâng

-

-

│船螺聲響起了自由的夢

船螺聲響起了自由的夢

tsûn-lê siann hiáng khí liáu tsū-iû ê bāng

│用生命來　交換的愛　不免知輕重

用性命來　交換的愛　毋免知輕重

Iōng sìnn-miā lâi, kau-uānn ê ài, m̄-bián tsai khing-tāng

│大稻埕的天光　催腳步緊震動

大稻埕的天光　催跤步緊振動

Tuā-tiō-tiânn ê thinn-kng, tshui kha-pōo kín tín-tāng

│找尋到青春的寄託　太平的歲月　永遠的願望

走揣著青春的寄託　太平的歲月　永遠的願望

Tsāu-tshuē tio̍h tshing-tshun ê kià-thok, thài-pîng ê suè-gua̍t, íng-uán ê guān-bāng

-

-

│鑼鼓陣頭　城隍廟前　大橋頭流的水　為誰見證

鑼鼓陣頭　城隍廟前　大橋頭流的水　為誰見證

Lô-kóo tīn-thâu, sîng-hông-biō tsîng, Tuā-kiô-thâu lâu ê tsuí, uī siánn kiàn-tsìng

│江山如畫　雲過天清　思念的故鄉等待阮倒返去

江山如畫　雲過天清　思念的故鄉等待阮倒轉去

Kang-san jû uē, hûn kuè thian tshing, su-liām ê kòo-hiong tán-thāi gún tó-tńg khì