│戀愛夢 被人來拆破

戀愛夢 予人來拆破

luân-ài bāng, hōo-lâng lâi thiah-phuà

│送君離別啊 港風對面寒

送君離別啊 港風對面寒

sàng kun lī-pia̍t--ah, káng-hong tuì bīn kuânn

│真情真愛 父母無開化

真情真愛 爸母無開化

tsin-tsîng tsin-ài, pē-bú bô khai-huà

│毋知少年啊 熱情的心肝

毋知少年啊 熱情的心肝

m̄-tsai siàu-liân--ah, jia̍t-tsîng ê sim-kuann

│

.

.

│自由夢 被人來所害

自由夢 予人來所害

tsū-iû bāng, hōo-lâng lâi sóo hāi

│快樂 袂透啊 隨時變悲哀

快樂袂透啊 隨時變悲哀

khuài-lo̍k buē thàu--ah, suî-sî piàn pi-ai

│港邊惜別 天星像目屎

港邊惜別 天星像目屎

káng-pinn sioh-pia̍t, thinn-tshinn tshiūnn ba̍k-sái

│傷心今暝啊 欲來分東西

傷心今暝啊 欲來分東西

siong-sim kim-mî--ah, beh lâi hun tang-sai

│

.

.

│青春夢 被人來拍醒

青春夢 予人來拍醒

tshing-tshun bāng, hōo-lâng lâi phah-tshínn

│美滿春色啊 變成烏陰天

美滿春色啊 變成烏陰天

bí-buán tshun-sik--ah, piàn-sîng oo-im-thinn

│港邊海鳥 毋知阮分離

港邊海鳥 毋知阮分離

káng-pinn hái-tsiáu, m̄-tsai gún hun-lī

│聲聲句句啊 吟出斷腸詩

聲聲句句啊 吟出斷腸詩

siann-siann kù-kù--ah, gîm tshut tuān-tn̂g-si