｜(故鄉故鄉　故鄉故鄉)

(故鄉故鄉　故鄉故鄉)

(kòo-hiong, kòo-hiong; kòo-hiong, kòo-hiong)

｜有幾間厝　用磚仔砌　看起來普通普通

有幾間厝 用磚仔鞏 看起來普通普通

ū kuí king tshù, iōng tsng-á khōng, khuànn--khí-lâi phóo-thong phóo-thong

｜時常出現　我的夢中　彼就是我的故鄉

時常出現 我的夢中 彼就是我的故鄉

sî-siông tshut-hiān, guá ê bāng-tiong, he tsiū-sī guá ê kòo-hiong

.

.

｜住一群人　真正善良　

蹛一陣人 真正善良

tuà tsi̍t-tīn lâng, tsin-tsiànn siān-liông

｜面上攏帶著笑容

面上攏帶著笑容

bīn-siōng lóng tuà tio̍h tshiò-iông

｜安分守己　士農工商　

安份守己 士農工商

an-hūn siú-kí, sū-lông kang-siong

｜彼就是我的故鄉

彼就是我的故鄉

he tsiū-sī guá ê kòo-hiong

.

.

｜暗時呀廟口聽大人澎風　

暗時仔廟口聽大人膨風

àm-sî-á biō-kháu thiann tuā-lâng phòng-hong

｜叔公講日本時代他尚界勇

叔公講日本時代伊上蓋勇

tsik-kong kóng ji̍t-pún-sî-tāi i siōng-kài ióng

｜姨婆唱著望春風　

姨婆唱著望春風

î-pô tshiùnn tio̍h Bāng-tshun-hong

｜彼就是我的故鄉

彼就是我的故鄉

he tsiū-sī guá ê kòo-hiong

.

.

｜想起著可愛的故鄉　

想起著可愛的故鄉

siūnn-khí tio̍h khó-ài ê kòo-hiong

｜乎我意志堅強

予我意志堅強

hōo guá ì-tsì kian-kiông

｜在我的打拼奮鬥人生中　

在我的拍拚奮鬥人生中

tsāi guá ê phah-piànn hùn-tàu jîn-sing tiong

｜伊就是鼓勵我　最大的力量

伊就是鼓勵我 最大的力量

i tsiū-sī kóo-lē guá, tsuè tuā ê li̍k-liōng

.

.

｜有幾間厝　用磚仔砌　看起來普通普通

有幾間厝 用磚仔鞏 看起來普通普通

ū kuí king tshù, iōng tsng-á khōng, khuànn--khí-lâi phóo-thong phóo-thong

｜總有一日　我會成功　倒返來我的故鄉

總有一日 我會成功 倒轉去我的故鄉

tsóng ū-tsi̍t-ji̍t, guá ē sîng-kong, tò-tńg-khì guá ê kòo-hiong

｜(是我的故鄉)

(是我的故鄉)

(sī guá ê kòo-hiong)