聽 彼是誰的歌聲 聲聲催著我 起來洗嘴換睏衫

聽 彼是啥人的歌聲 聲聲催著我 起來洗喙換睏衫

Thiann, he sī siáng ê kua-siann, siann-siann tshui-tio̍h guá khí-lâi sé-tshuì uānn khùn-sann

我 動作攏無拖沙 早頓繼續吃 發動我的銅管仔車

我 動作攏無拖沙 早頓繼續食 發動我的銅管仔車

Guá tōng-tsok lóng bô thua-sua, tsá-tǹg kè-sio̍k tsia̍h, huat-tōng guá ê tâng-kóng-á-tshia

大馬路 大塞車 共款嘛愛行

大馬路 大窒車 仝款嘛愛行

Tuā bé-lōo, tuā that-tshia, kāng-khuán mā ài kiânn

有希望 肯打拼 吃苦我不驚

有希望 肯打拚 食苦我毋驚

Ū hi-bāng, khíng phah-piànn, tsia̍h khóo guá m̄-kiann

透早就出門 日頭赤炎炎

透早就出門 日頭赤焱焱

Thàu-tsá tiō tshut-mn̂g, ji̍t-thâu tshiah-iānn-iānn

駛著一台老爺車 冷氣有夠熱

駛著一台老爺車 冷氣有夠熱

Sái-tio̍h tsi̍t tâi lāu-iâ-tshia, líng-khì ū-kàu jua̍h

透早就出門 有夢才大聲

透早就出門 有夢才大聲

Thàu-tsá tiō tshut-mn̂g, ū bāng tsiah tuā-siann

唱著一條老情歌 世界上蓋把 就是我

唱著一條老情歌 世界上蓋奅 就是我

Tshiùnn-tio̍h tsi̍t tiâu lāu tsîng-kua, sè-kài siōng-kài phānn tiō sī guá

歌 唱出咱的心聲 天地彼呢大 家己的路家己行

歌 唱出咱的心聲 天地遐爾大 家己的路家己行

Kua tshiūnn-tshut lán ê sim-siann, thinn-tē hiah-nī tuā, ka-kī ê lōo ka-kī kiânn

叭 時代彼此虛華 不通怪運命 命運的戲在人扮

Pann 時代彼此虛華 毋通怪運命 命運的戲人咧搬

Pann, sî-tāi pí-tshú hi-hua, m̄-thang kuài ūn-miā, miā-ūn ê hì lâng teh puann

有好天 無好額 共款嘛愛行

有好天 無好額 仝款嘛愛行

Ū hó-thinn, bô hó-gia̍h, kāng-khuán mā ài kiânn

無禁忌 免驚惶 無輸我就贏

無禁忌 免驚惶 無輸我就贏

Bô kìm-kī, bián kiann-hiânn, bô su guá tiō iânn

透早就出門 日頭赤炎炎

透早就出門 日頭赤焱焱

Thàu-tsá tiō tshut-mn̂g, ji̍t-thâu tshiah-iānn-iānn

駛著一台老爺車 我嘛是少爺

駛著一台老爺車 我嘛是少爺

Sái-tio̍h tsi̍t tâi lāu-iâ-tshia, guá mā sī siàu-iâ

透早就出門 有夢才大聲

透早就出門 有夢才大聲

Thàu-tsá tiō tshut-mn̂g, ū bāng tsiah tuā-siann

唱著一條老情歌 世界第一名 就是我

唱著一條老情歌 世界第一名 就是我

Tshiùnn-tio̍h tsi̍t tiâu lāu tsîng-kua, sè-kài tē-it miâ, tiō sī guá