│雖然只是眼神的接觸

雖然只是 眼神的接觸

sui-jiân tsí-sī, gán-sîn ê tsiap-tshiok

│甘願甲伊當作一生的約束

甘願共伊當做一生的約束

kam-guān kā-i tòng-tsuè it-sing ê iok-sok

│世間知音本來就歹找

世間知音 本來就歹揣

sè-kan ti-im, pún-lâi tō pháinn tshuē

│你是阮唯一的一個

你是阮唯一的一个

lí sī gún uî-it ê tsi̍t-ê

│

.

.

│若我輕輕叫著你的名

若我輕輕叫著你的名

nā guá khin-khin kiò tio̍h lí ê miâ

│就是心內歡喜的源泉

就是心內歡喜的源泉

tiō-sī sim-lāi huann-hí ê guân-tsuânn

│全望你像山谷的迴聲

全望你像山谷的迴聲

tsuân bāng lí tshiūnn suann-kok ê huê-siann

│叫一聲 應千聲

叫一聲 應千聲

kiò tsi̍t-siann, ìn tshian siann

│叫一聲 應萬聲

叫一聲 應萬聲

kiò tsi̍t-siann, ìn bān siann

│

.

.

│雖然只是淺淺的微笑

雖然只是淺淺的微笑

sui-jiân tsí-sī tshián-tshián ê bî-tshiò

│甘願甲伊當作感情的信號

甘願共伊當做感情的信號

kam-guān kā-i tòng-tsuè kám-tsîng ê sìn-hō

│世間緣份本來就歹找

世間緣份 本來就歹揣

sè-kan iân-hūn, pún-lâi tō pháinn tshuē

│你是阮唯一的一個

你是阮唯一的一个

lí sī gún uî-it ê tsi̍t-ê